2017 jyldyń 8 aqpanynda saǵat 18:50-de «Qazaqstan» jáne «Kazsport» telearnalary 28-shi Búkilálemdik Qysqy Ýnıversıada oıyndaryn tikeleı efırde kórsetedi. Ýnıversıada oıyndarynyń jabylý saltanaty 1,5 saǵatqa sozylyp, «Almaty -Arena» kesheninde ótedi. Kórermender qyzyqty oqıǵalarǵa toly shoý- baǵdarlama tamashalaıtyn bolady. Sondaı-aq, atalmysh sharaǵa Qazaqstan estradasynyń juldyzdary qatysady.
Jabylý saltanatyndaǵy qyzyqty sátterdiń biri – kelesi Ýnıversıada oıyndarynyń efstafetasyn qabyldap alatyn Krasnoıarsk qalasynyń «vızıttik kartasy» bolmaq. Osy eleýli oqıǵaǵa baılanysty, sharaǵa Krasnoıarsk qalasynyń basshylyǵy men shyǵarmashylyq tobynan turatyn delegasıa qatysady.
«Qazaqstan» RTRK» AQ – Almatyda ótken 28-shi Búkilálemdik Qysqy Ýnıversıada oıyndarynyń resmı aqparattyq seriktesi.
Teleradıokorporasıanyń quramyna kiretin «Kazsport» telearnasy Ýnıversıadanyń bas habar taratýshysy jáne Ýnıversıada Alaý estafetasynyń resmı taratýshysy. «Kazsport» telearnasynyń Qysqy oıyndardan habar taratýy Qazaqstannyń barlyq oblys ortalyqtarynda ótken Alaý jaǵý saltanatynan bastalǵan bolatyn.
Ýnıversıadanyń jabylý saltanatyn «Qazaqstan» RTRK» AQ quramyna kiretin aqparattyq resýrstardyń barlyǵy taratady. Onyń ishinde respýblıkalyq arnalar men radıolardan bólek 14 aımaqtyq fılıal bar. Korporasıa saıtynyń arnaıy https://kaztrk.kz/kz/Universiade2017 aıdarynan aqparat berilip otyrady.
Aıta ketsek, Qazaqstan quramasy medaldar sany boıynsha jalpy esepte ekinshi oryndy saqtap qaldy. Qurama qorjynynda 11 altyn, 6 kúmis, 11 qola júlde bar. Ýnıversıada chempıondary: shańǵyshy Ivan Lúft, Alına Raıkova, frıstaılshylar Baǵlan İńkárbek pen Janbota Aldabergenova, shańǵyshy Galına Vıshnevskaıa, aralas komandalyq sprıntte úzdik shyqqan Anna Shevchenko men Oljas Klımın, mánerlep syrǵanaýshy Denıs Ten jáne frıstaılshylar Iýlıa Galysheva men Dmıtrıı Reıherd.
Jabylý saltanatynyń sharyqtaý shegi – FISU jalaýyn kelesi forým astanasy – Krasnoıarsk qalasyna berý sáti bolmaq. Kórinis jastar uıymshyldyǵy men Qazaqstan halqy birliginiń jarqyn sımvolyna aınalady.
