Dúısenbi kúni, taıaý shyǵys BAQ betterinde kórsetilgendeı, Saýd Arabıasynyń astanasy Er-Rıadqa raketalyq soqqy berdi, dep habarlaıdy vestikavkaza.ru, málimettiń qazaqsha nusqasyn "Qamshy" portaly oqyrman nazaryna usynady.

Shabýyldy «jer-jer» dep atalatyn balıstıkalyq raketa klassy jasaǵan. Iemen jibergen raketalyq qarý Er-Rıadtyń batysynda ornalasqan Mazahımıa áskerı bazasyna baryp túsken. Shabýylshylardyń aıtýynsha, soqqy óte sátti túrde jasalǵan. Alaıda, qurban bolǵandar men qıratylǵan jerler jaıly eshbir aqparat joq.

Iemen BAQ ókilderiniń habarlaýynsha,  Saýd Arabıasynyń astanasynda tótenshe jaǵdaı bolǵandyǵyn jarıalaǵan, al bıliktegiler bul apattyń saldaryn meteorıt qulady nemese jer silkinisinen boldy dep kórsetpek eken.

Internet jelisinde Er-Rıadqa jiberilgen raketalyq soqqynyń vıdeosy taralǵan. Degenmen, bul kadrlar eshbir dáıek keltire almaıtyndyǵyn aıta ketken jón.