Qazaqstandaǵy basty qazaq tildi telearna «Qazaqstan» teleradıokorporasıasyna Erlan Qarın tóraǵa bolyp taǵaıyndaldy.
Buǵan deıin, 2016 jyldyń 1 qazanynan bastap «Qazaqstan» Respýblıkalyq Teleradıokorporasıasy» Aksıonerlik Qoǵamynyń Basqarma Tóraǵasy qyzmetin atqarǵan Oıshybaev Kemelbek Baqtyǵululy 24 qańtarda atalǵan qyzmetten ketti.
Erlan Tynymbaıuly Qarın – memleket jáne qoǵam qaıratkeri, saıasattanýshy ǵalym. 2014 jyldyń 16 qazan kúninen bastap QR Prezıdenti janyndaǵy Strategıalyq zertteýler ınstıtýtynyń dırektory qyzmetin atqarǵan. Aıta keter bolsaq, Erlan Tynymbaıuly basshylyqqa kelgennen keıin, QSZI – álemniń 6 myńnan astam saraptamalyq ınstıtýttary men ortalyqtarynyń ishinde úzdik 150-ge kirdi.
Tanystyra ketetin bolsaq, Erlan Qarın 26 mamyr kúni 1976 jyly Ońtústik Qazaqstan oblysy, Saıram aýdany, Aqsý aýylynda dúnıege kelgen.
1997 jyly Q. Jubanov atyndaǵy Aqtóbe memlekettik ýnıversıtetin tarıh mamandyǵy boıynsha oqyǵan,
1999 jyly ál-Farabı atyndaǵy QazUÝ-niń Fılosofıa jáne saıasattaný fakúltetin támámdaǵan. Saıasattaný ǵylymdarynyń kandıdaty (dısertasıa taqyryby: "Qazaqstan Respýblıkasynyń ulttyq qaýipsizdigindegi ishki saıası aspektiler").
1996—1998 jyldary Q. Jubanov atyndaǵy Aqtóbe memlekettik ýnıversıtetinde saıasattaný kafedrasynda muǵalim bolǵan.
1998—2000 jyldary Qazaqstannyń damý ınstıtýtynyń Saıası zertteýler ortalyǵynda qyzmetker, Reseı jáne Qytaı ınstıtýtynyń dırektorynyń orynbasary.
2000-2003 Ortalyq Azıa saıası zertteýler agenttiginiń dırektory.
2004 jyldan 2006 jyl aralyǵynda Antıterrorlyq baǵdarlamalar ortalyǵynyń jetekshisi.
2006 jyly Mańǵystaý oblysynyń ákimi Qyrymbek Kósherbaevtyń qoǵamdyq jáne saıası máseleler jónindegi keńesshisi.
2008 jyldyń aqpan aıynda Qazaqstan Respýblıkasynyń Prezıdenti Nursultan Nazarbaevtyń jarlyǵymen Prezıdent ákimshiligi İshki saıasat bóliminiń meńgerýshisi bolyp taǵaıyndaldy. Sol jyldyń qarasha aıynda Nur-Otan partıasynyń strategıalyq damý jónindegi hatshysy boldy.
2014 jyldyń 16 qazan kúninen bastap QR Prezıdenti janyndaǵy Strategıalyq zertteýler ınstıtýtynyń dırektory qyzmetin atqarǵan.
Ol, qyzmet atqarǵan ár jyldarda Alash zıalylarynyń eńbegin zerttedi. Olardyń ómir joldaryna arnalǵan kitaptar shyǵarýǵa túrtki boldy. «Alashorda» atty kórkem sýretti álbom kitap shyǵardy. Syntastardy zerttedi.
