Ýkraınadaǵy Klırık Kıevtik eparhıa provoslavtyq shirkeýiniń 26 jastaǵy din qyzmetkeri Ioann Kornýta Kıev mańyndaǵy Brovarah dep atalatyn demalys ornynan óli kúıde tabylǵan.

Dindar saýnada jeńil júristi qyzdarmen kóńil kóterip jatqan kezinde kóz jumǵan, birge bolǵan qyzdar din qyzmetkerin tonap ta ketken, dep habarlaıdy politolog.net, málimettiń qazaqsha nusqasyn «Qamshy» portaly oqyrman nazaryna usynady.

Ioann Kornýta ákeıdiń denesin saýna qyzmetkerleri taýyp alyp, quqyq qorǵaý organdaryna habar bergen. Belgili bolǵandaı, jeńil júristi qyzdar Ioannmen birge saýnaǵa kelip, onymen ýaqyt ótkizgen, keıinnen din qyzmetkerin tonap, zattarynyń barlyǵyn alyp, ózin óli kúıinde tastap ketken.

Dindardyń qalta telefony men moınyna taǵatyn baǵaly alqasy joǵalǵan. Saýnaǵa kelgen sátinde beınebaqylaý kameralary arqyly onyń moıynynda qymbat áshekeı bolǵany anyqtaldy. Zertteý jumystary barysynda Ivan Ivanovıch Kornýtanyń atyna berilgen júrgizýshi kýáligi tabylǵan, ol Zakarpat oblysynyń týmasy eken.

Ekspertıza qorytyndysy boıynsha, senbide jan tásilim etken din ókiliniń kóz jumýyna júreginiń toqtap qalýy sebep bolǵan.

Ioann ákeıdiń týystary tonaý máselesine qatysty eshqandaı da aryz-shaǵym túsirmese de, quqyq qorǵaý organdary dindarmen birge bolǵan qyzdardy izdestirýde. «Din ókiliniń qalaı kóz jumǵandyǵy jaıly ol qyzdar málimdeme berýi tıis», - dep málimdedi polısıa qyzmetkeri Nıkolaı Jýkovıch.

Ioannyń áriptesteriniń aıtýynsha, polısıa qyzmetkerleri mundaı jaǵdaıda, ıaǵnı jeńil júristi qyzdarmen kóńil kóterip, qaza tapqany úshin qarǵys aıtpaqshy eken.