Sot qazaqstandyq serıaldardyń akteri Nurjan Toılybaevty adam óltirý isi boıynsha 11 jylǵa bas bostandyǵynan aıyrdy, dep habarlaıdy Tengrinews.kz
38 jastaǵy er adam buryndary zorlaý isi boıynsha jáne buzaqylyq jasaǵany úshin sottalǵan. Nurjan Toılybaev "Máńgi el", "Záýre" jobalaryna qatysqan, sonymen qatar "Aıman-SHolpan" jáne "Ógeı júrek" serıaldaryna túsken. Árdaıym buzaqyny somdaǵan, onyń Instagram jelisindegi paraqshasynda qazaqstandyq shoý-bıznes juldyzdarymen túsken jáne de kıno túsirilimderi bolyp jatqan sýretteri jarıalanǵan. Sol jerde osy qaıǵyly oqıǵa bolǵan. Akter sot úkimimen kelispeıdi, apelásıalyq shaǵym túsirmekshi. Er adam ony óltirmegenin, tek ózin qorǵaǵanyn aıtady. Akterdiń aıtýynsha, onyń kýágerleri jetkilikti.
Bul oqıǵa 2016 jyly 10 qyrkúıekte Fabrıchnyı aýylynda boldy. Men óz dosymmen bir jobanyń aıaqtalýyn jýmaqshy boldym. Káýaphanaǵa kirdik. Kórshi ústelde bir top adam otyrdy, olardyń bireýi maǵan qaıta-qaıta tıisip, "juldyz bolma Dı Kaprıo emessiń" dedi. (...) Ol (qaıtys bolǵan Murat Karslıev) bizdiń orynǵa kelip otyrdy. Sol jerde janjaldasyp kettik. Syrtqa shyqqanymda ol óziniń dosymen shtopr men pyshaq alyp shabýyl jasady. Men ózimdi qorǵaý úshin, káýaphananyń kóseýin alyp, Muratty urdym, basyna tıdi. Ony jedel járdem alyp ketti, 20 mınýttan soń ol qaıtys bolyp ketipti. Men qashyp júrdim, tórt aı tyǵyldym", - deıdi Nurjan Toılybaev.
Jeltoqsanda polısıa qyzmetkerleri ony jaldamaly páterden ustaǵan. Basynda oǵan "Densaýlyqqa qasaqana aýyr zıan keltirý" baby boıynsha aıyp taǵylǵan, sodan keıin "Adam óltirý" babyna aýystyrylǵan. Tergeý júrip jatqan ýaqytta Toılybaevtyń aıtýynsha, qaıtys bolǵan Murattyń áıeli Malıka Karslıevaǵa úı men jer telimin usynǵan. Biraq ol budan bas tartyp, on mıllıon teńge suraǵan.
Murat Karslıev ınjener-montajdaýshy bolyp istegen. Óziniń áıeli bala-shaǵasymen Fabrıchnyı aýylynda turǵan. Onyń áıeli jáne tórt balasy artynda qaldy. Malıka Karslıeva óz suhbatynda sot onyń talap etken somasynyń bir bóligin ǵana qanaǵattandyrǵanyn, ıaǵnı eki mıllıon teńge ótep bergenin aıtty.
"Men tórt balamen jalǵyz qaldym, jalǵyz asyraýshymyzdan aıyryldyq. Murat montajdaýshy bolyp qyzmet etetin, uıaly baılanys ornatatyn. Kúzde kafege barǵannan keıin ol baqılyq boldy. Aıyptalýshynyń týystary qırap turǵan úı usyndy. Árıne, men bodan bas tarttym. Men olardan "ózderiń osyndaı úıde turar ma edińder" dep suradym. Meniń kúıeýim eshqandaı da shtopr, pyshaq ustamaǵan, Nurjan ózi shabýyl jasaǵan. Kýágerler shatasyp, birese úlken, birese kishi pyshaq dep otyr", - deıdi qaıtys bolǵan er adamnyń áıeli.
"Toılybaev QR Qylmystyq kodeksiniń 99-babynyń 1-bóligi ("Adam óltirý") boıynsha 11 jylǵa bas bostandyǵynan aıyryldy. Ol jazasyn qatań rejımdegi kolonıada óteıtin bolady. Sot úkimi zańdy kúshine engen joq. Taraptar 15 kún ishinde isti qaıta qaraý úshin aryz bere alady", - dedi Almaty oblystyq sotynyń baspasóz qyzmetiniń mamandary.
Sottalýshynyń áıeli men eki balasy bar.
