30 jastaǵy áıel 60 jastaǵy kóńildesinen $100 000 talap etip, bermegen jaǵdaıda áleýmettik jelilerge ıntımdik sýretterin jarıalaımyn dep qorqytyp otyr, dep habarlaıdy informburo.kz, aqparattyń qazaqsha nusqasyn "Qamshy" portaly oqyrman nazaryna usynady.

1957 jylǵy er adam kóńildesinen mundaı habarlama alǵannan soń ózi baryp polıasıaǵa shaǵymdanǵan. Nátıjesinde, áleýmettik jelilerge ýıatsyz sýret taratamyn dep bopsalaǵan áıel aqshany alyp jatqan kezinde qolǵa túsken. QR Qylmystyq Kodeksiniń 194 baby boıynsha «qorqytyp aqsha alý» aıyby taǵylǵan.

Polısıa qyzmetkerleriniń aıtýynsha, 2016 jyly OQO-da 5 osyndaı mazmundaǵy qylmys tirkelgen. Sonymen qatar barlyq qylmystar qylmyskerler men áleýmettik jeli qurbandarynyń tanysýynan keıin bolǵan.

«2016 jyldyń sońynda Saryaǵash aýdandyq polısıa basqarmasyna 26 jastaǵy boıjetken jeke basyna qatysty sýretterin ınternet jelisine jarıalaımyn dep qorqytyp, 800 000 teńge kóleminde aqsha talap etip otyrǵandyǵyn aıtyp shaǵymdanǵan bolatyn. İzdeý jumystary barysynda polısıa qyzmetkerleri 1983 jylǵy sol jerdiń turǵynyn qolǵa tústi. Aıyptalýshy bul is-áreketin óziniń materıaldyq jaǵdaıyn jaqsartpaq boldym dep túsindirdi. Dálel retinde tergeý barysynda qomaqty qarjy, fotosýretter men vıdeolar tárkilendi. Qylmysker ustaldy, endigi kezekte sotqa deıingi tergeý jumystary júrgizilip jatyr», - dep, OQO İshki İster Departamentiniń memlekettik til men aqparattardy damytý bólisiniń jetekshisi Saltanat Qarakózova byltyrǵy jyldyń sońynda bolǵan jaǵdaıdy mysalǵa keltire otyryp, málimdeme jasady.

23 qańtar kúni Saryaǵash aýdanynyń taǵy bir turǵynyn dál osyndaı aıyppen jeti jylǵa bas bostandyǵynan aıyrǵan. 31 jastaǵy er azamat ótken jyldyń tamyz aıynda bir áıelmen tanysyp, ary qaraı ekeýiniń qarym-qatynasy mahabbatqa ulasqan. Alaıda, bir kúni qonaqúıdegi kezdesýde er adam áıelden 10 mıllıon teńge talap etip, bermegen jaǵdaıda onyń ıntımdik sýretterin ınternet jelisine taratamyn dep qorqytqan. Sottyń sheshimin estigen kezde bes balasy bar erkek kóz jasyna erik beripti.