Ulttyq qaýipsizdik komıteti ishki ister organdarymen birlese 13-24 qańtar aralyǵynda Almatyda jáne Almaty oblysy mańyndaǵy aýdandarda birqatar arnaıy operasıa júrgizdi, - dep habarlaıdy "Qamshy" portaly Qazaqstan Respýblıkasy UQK baspasóz qyzmetine silteme jasap. 

«Ulttyq qaýipsizdik komıteti ishki ister organdarymen birlese 13-24 qańtar aralyǵynda Almaty qalasy jáne Almaty oblysy mańyndaǵy aýdandarda birqatar arnaıy operasıalar júrgizdi.    

     2 radıkaldy top pen dinı-ekstremıstik ıdeologıany ustanýshy 6 adamnyń is-áreketi beıtaraptandyryldy.

Terorızmdi nasıhattaý, terorıstik is-áreketke qatysýǵa daıyndalý, dinı alaýyzdyqty qozdyrý jáne qarýdy zańsyz  saqtaýǵa qatysty degen aıyppen barlyǵy 15 adam qamaýǵa alyndy. 

Ustalǵandardyń turatyn mekenjaılaryn tintý barysynda         5 granata, halyqaralyq terorıstik uıymdardyń atrıbýtıkasy, dinı mazmundaǵy ádebıet jáne aqparatty elektrondy tasymaldaýyshtar tárkilendi.

Tergeý is-qımyldary jalǵasýda.

Kórsetilgen is-sharalardy júzege asyrý sonymen qatar «Ýnıversıada-2017» jarysyn ótkizý kezinde qaýipsizdikti tıisti deńgeıde qamtamasyz etýge  yqpal jasady», - delingen málimdemede.

Sondaı-aq qazirgi ýaqytta tergeý is-qımyldarynyń jalǵasyp jatqany habarlanyp otyr.