Shyǵarmashylyǵyn balalarǵa arnaǵan jazýshy Esken Elýbaev  75 jasqa tolýyna sanaýly kúnder qalǵanda ómirden ótti. Jazýshymen qoshtasý erteń saǵat 10:00-de Jazýshylar odaǵynda ótedi. 

Esken Elýbaev — 18 aqpan 1942 jyly, Jambyl oblysy Qordaı aýdanyndaǵy Otar stansasynda týǵan. 1958 jyly Otar stansasyndaǵy №529 temirjol orta mektebin bitirgen. QazMÝ-diń fılologıa fakúltetin 1966 jyly tamamdaǵan. 1966 jyldan bastap «Qazaqstan pıoneri» (qazirgi «Ulan») gazetinde, «Jalyn», «Óner», «Balaýsa» baspalarynda, «Baldyrǵan» jýrnalynyń bas redaktorynyń orynbasary bolyp qyzmet istegen. «Saǵan kúshik kerek pe?» kıno-fılmi avtordyń pesasy boıynsha túsirilgen. Shyǵarmalary qazaq jáne orys mektepterine arnalǵan oqýlyqtarǵa engen.

Negizinde balalarǵa arnap jazady. Onyń «Bolatbek» pesasy respýblıkalyq qýyrshaq teatrynda qoıylǵan. Halyqaralyq «Alash» ádebı syılyǵynyń laýreaty (1994). Ulttyq «Astana-Báıterek» konkýrsynyń eki dúrkin birinshi júldegeri (2007 — 2008), Halyqaralyq «Daraboz» báıgesiniń ekinshi júldegeri (2008). «Qazaqstan Táýelsizdigine 10 jyl» medalimen marapattalǵan, Memlekettik grant ıegeri. 

"Qamshy" portaly ujymy marqumnyń otbasyna qaıǵyryp kóńil aıtady.