Túrkıa armıasynyń shtaby málimdeme jarıalap, Reseı basshylarynyń Reseı qyrǵı ushaqtarynyń ál-Bab qalasyndaǵy Túrkıanyń áskerıleri ornalasqan ǵımaratty nysanaǵa alýy týraly málimdemesin teriske shyǵardy. Bul týraly Pars Today jazdy.

Túrkıada shyǵatyn "YeniSafak" gazetiniń ınternet torabynyń málimdeýi boıynsha, Túrkıa armıasynyń shtaby juma kúni taratylǵan málimdemede: «Túrkıanyń áskerıleri on kún buryn osy mekenge ornalastyrylǵan bolatyn.  8-shi aqpanda Túrkıanyń birikken kúshteri ornalasqan mekenge Reseıdiń áskerı kúshteriniń qaramaǵyndaǵy aımaqtan zymyran atylǵan soń málimetter taǵy da reseılik tarapqa jarıalandy» dep málimdedi.

Reseı qyrǵı ushaǵynyń ál-Bab qalasynda Túrkıa kúshteri ornalasqan ǵımaratqa jasaǵan shabýylynan Túrkıanyń úsh áskerıi qaza bolyp, 11 kisi jaralandy.

Reseı prezıdenti Vladımır Pýtın Túrkıa prezıdenti Rejep Taıyp Erdoǵanmen telefon arqyly suhbatta  osy oqıǵaǵa ókinish bildirip, Túrkıa áskerıleriniń qazasyna baılanysty Erdoǵanǵa kóńil aıtqan edi.