Astanalyq "Sparta" komandasy KVN oıyndarynyń Joǵary lıgasyndaǵy birinshi 1/8 fınalynda 1-oryn aldy, - dep habarlaıdy Tengrinews.kz tilshisi Klýbtyń saıtyndaǵy translásıaǵa silteme jasap.

Júrgizýshileriniń aıtýynsha, "Sparta" komandasy sálemdesý baıqaýynda da úzdik óner kórsetken. 

Al mýzykalyq baıqaýda "Sparta" "La-La-Lend" fılminiń óz nusqasyn kórsetken. Oıynshylar fılmniń ataýyn "Ha-ha Lend" dep ózgertken. Sondaı-aq, sahnaǵa "Kazahı" komandasynyń burynǵy oıynshysy Gúlnar Silbaeva da shyqty.

Aıta keteıik, qazylar alqasy "Spartanyń" ónerin joǵary baǵalady. Oıyn qorytyndysy boıynsha myna komandalar 1/4 fınalǵa ótti: "Sparta" (Astana), "Proıgryvatel" (TGÝ , Tambov) jáne Kalınıngrad oblysynyń quramasy.

Oıyn qorytyndysy:

"Sparta", Astana - 11 upaı;
"Proıgryvatel", Tambov - 9,7 upaı;
Kalınıngrad oblysynyń quramasy - 9,6 upaı;
GÝÝ jáne MISıS joǵarǵy oqý oryndary, Máskeý - 9,5 upaı;
"Prıkaz 390", FSIN Reseı - 9,5 upaı;
"NATE", Brúhoveskaıa, Krasnodar - 8,3 upaı.

Al qazylar alqasynda Konstantın Ernst, Iýlıı Gýsman, Dmıtrıı Nagıev, Valdıs Pelsh, Mıhaıl Galýstán jáne Konstantın Laronenko boldy.

Aıta keteıik, 1/4 fınal 26 aqpanda Birinshi arnadan kórsetiledi.