AQSH-ta 3 mıllıonǵa jýyq adamdar dalada turady. Olardyń ishinde 57 jastaǵy Djon Lohlen Fıladelfıadan kelgen. Osy jyldardyń ishinde ol adamdarǵa degen senimin joǵaltqan, óıtkeni olardyń oǵan degen kózqarasy únemi jaǵymsyz bolatyn.

Djonǵa, tipti, oq atady. Ony kólik te qaǵyp ketken. Sol kólik apaty oqıǵasynda omyrtqasyn syndyryp alady.

Denesiniń tómengi bóligine ınfeksıa taralyp, er adam birazdan beri aıaǵyna tura almaıdy eken.

Djon kúnde ádettegideı oıanyp, qaıyr suraıtyn buryshyna deıin baryp, kesh batqansha sol jerde otyrady... Ýaqyt óte kele, ol adamdarǵa degen senimin tolyǵymen joǵaltyp alady.

Biraq bir kúni oǵan bir áıel adam kelip, onyń shashyn qyrqyp berýge usynady. Er adam alǵashynda onymen baılanysqysy kelmeı, qarsylyq tanytady, biraq áıel adam oǵan taǵy da keletinin eskertedi. Djon oıynan aınyp qalýy da múmkin ǵoı.

Ol áıeldiń esimi – Lollı. Ol baspanasyzdarǵa kómektesetin ortalyqta jumys atqarady. Baspanasyzdardyń ómirlerin kishkene bolsa da jeńildetý úshin shashtaryn alady, jatatyn oryn men kıim ákelip beredi. Áıteýir, Djon shashyn aldyrýǵa kelisim beredi. Prosedýra barysynda Lollı onyń aıaǵynda bir kirbiń baryn baıqaıdy. Sóıtip er adam óziniń basynan ótken jaǵdaıdy aıtyp beredi.

Áıel adamǵa Djonmen aralasqan unap qalady. Ol oǵan sońyna deıin kómektesýdi jón sanaıdy. Emin bastaý úshin Djondy aýrýhanaǵa jetkizedi. Birneshe kúnnen keıin ol óz aıaǵymen júrýdi úırene bastaıdy.

«Men eshqashan bóten adamǵa osynshalyqty baýyr basyp qalamyn dep oılamappyn. Tipti, qazir ol meniń dosym bolyp qalady!», - deıdi Lollı.

Keı-kezderi óz qara basymyzdy ǵana oılaýdy qoıyp, jaǵdaıy múshkil jandarǵa da qol ushyn sozyp turý qajet. Lollı men Djonnyń oqıǵasy – osyǵan ashyq dálel!

Aýdarǵan: Gúlim Jaqan