Redaksıamyzǵa Toqaı Birlik esimdi azamat habarlasty. Ol 2014 jyly Almaty qalasynda úı satyp alǵan. Eki jyl ótkennen keıin   Almaty qalasy energetıka jáne komýnaldyq sharýashylyq basqarmasynyń ıeligindegi káriz qubyr jelisinde QR zańyna qarama-qaıshylyqty tapqanyn aıtyp, birneshe márte jóndeý jumystaryn júrgizgen. Nátıjesinde káriz júıesiniń jaman ıisi shyǵyp, balalary aýyryp qalǵan. Sondyqtan Toqaı Birlik jóndeý jumystaryn toqtatýdy talap etip otyr.

Alaıda, «Tospa sý» kásiporny jumystaryna kedergi keltirgeni úshin Toqaı Birlikti sotqa bergen.   

 «Qalalyq káriz júıesiniń D=150mm ústine turǵyn úı turǵyzylǵan. Qaýip-qater tóngen jaǵdaıda onyń aldyn alý, qalpyna keltirý, jóndeý jumystaryn júrgizýge esh múmkindik joq. Bul jaıly jaýapkerge eskertý jasalǵan  bolatyn. Káriz ústine salynǵan qurylystyń ruqsat qujattary bolsa, bizge ákelip kórsetýin suradyq. Eger, qujaty joq bolǵan jaǵdaıda, qurylys astyndaǵy kárizdi basqa jaqqa shyǵarýdy usyndyq» dep aryz jazǵan.

 Atalmysh aryz boıynsha tekserý jumystary júrgizilip, búgin sot bolýy tıis edi.

Toqaı Birliktiń aıtýynsha sot orys tilinde ótetindigin aıtqan. Alaıda, Toqaı Birlik orys tilin túsinbeıtinin aıtyp, sottyń memlekettik tilde ótýin talap etip otyr.

«Bul meniń ana tilimdi aıaq asty etip, memlekettik tildi qorlaý, memleketti syılamaý» deıdi Toqaı Birlik.

Sonymen qatar, ol Almaty qalasy energetıka jáne komýnaldyq sharýashylyq basqarmasynyń sharýashylyq júrgizý quqyndaǵy «Tospa Sý» memlekettik   komýnaldyq kásipornyn, otbasyna 2 jyldan astam ýaqyt boıy adamdyq quqyǵyn aıaqqa taptady dep aıyptap, jala japqanyn aıtyp moraldyq shyǵyn retinde Toqaı Birliktiń esebine 100 000 000 (júz mıllıon) teńge moraldyq shyǵyn tóletip berýin suraıdy.