Reseıde 14 jastaǵy qyzyn zorlap ketken áke sottyń shyǵarǵan úkimin tym jeńil jaza dep qabyldap, sot zalynda qylmyskerden kegin qaıtardy. Ashýǵa býlyqqan qyzdyń ákesi úsh qanjardy qynabynan sýyryp alyp, dál qylmyskerge dáldegen, dep habarlaıdy okok.life, málimettiń qazaqsha nusqasyn "Qamshy" portaly oqyrman nazaryna usynady.
Birinen soń birin kezek-kezek dáldegen jerine laqtyrǵan.
Oqıǵa jyldam bolǵany sonshalyq: polısıa qyzmetkerleri qandaı da bir shara qoldanyp úlgere almapty. Qanjardyń úsheýi de qylmyskerge dál tıgen, ekeýi júrek tusyna baryp qadalǵan bolsa, úshinshisi kómeıin kesip ótken. Qylmysker sol jerde til tartpaı ketipti, al kek alýshy ákeni sot zalynda tutqyndap alyp ketken. Bolǵan jaıtqa kóńili tolǵan Karavaıkın azamat esh qarsylyq kórsetpeı qolynda turǵan taǵy eki pyshaqty polısıa qyzmetkerlerine tapsyrǵan.
Mundaı qylmysqa barýynyń sebebin qyzdyń ákesi bylaı túsindirdi: «Meniń bul is-áreketimdi jupar ańqyǵan gúl ósirip, ony qaıdaǵy bireýdiń taptap jatqanyn kórińder, sol kezde ǵana túsinesińder. Meniń qyzym eki ret óz-ózine qol jumsamaq boldy, alaıda ekeýinde de kezdeısoq jaǵdaı qutqaryp qaldy. Ol áli kúnge deıin psıhıatrlyq aýrýhanada em qabyldap júr, al myna ońbaǵanǵa 5 jyl jalpy rejımde jazasyn óteýge úkim shyǵardy».
Qyzdyń ákesine polısıaǵa bergen aryzyn qaıtaryp al úshin oǵan birneshe ret qomaqty qarjy usynǵan eken, tipti, ony soqqyǵa jyǵyp ketýdi de josparlap, Aýǵanstandyq azamattarmen kelispek bolypty, alaıda bul iske olar tym kóp qarjy suraǵan. Sol kezde zardap shekken qyzdyń ákesi qylmyskerden osylaı kek alýyn josparlaǵan. Ǵalamtordan laqtyratyn qanjardyń beseýin tapsyryspen alǵyzyp, úıinde jattyǵý júrgize bastapty. Bir aptadan keıin-aq ol bir-eki sekýndtyń ishinde asqabaqqa ońaı dál tıgizip úırengen.
Joǵarǵy sottyń sheshimi boıynsha, Karavaıkınge segiz jyl bas bostandyǵynan aıyrý jazasy taǵaıyndalǵan, alaıda jaza shartty túrde bolǵandyqtan ony sot zalynda bosatypty. Mundaı sheshimdi sotqa qatysqan ádil qazylar alqasynyń sheshimimen shyǵarǵan, olardy kóbisinde túrli jastaǵy boıjetken qyzdary bar eken.
Aýdarǵan: Nazerke Labıhan
