Almatyda 15-shi qabattan qulap ketken er adam tanymal rep-oryndaýshy bolyp shyqty, - dep habarlaıdy Tengrinews.kz. Áleýmettik jeli qoldanýshylary Black Cost tobynyń negizin qalaýshy Jandos Talǵattyń otbasyna kóńil aıtyp jatyr. Ol Hazard laqap atymen shyǵyp júrgen.

Osyǵan deıin, Almatyda 31 jastaǵy er adamnyń Tóle bı kóshesiniń boıynda ornalasqan "Káýsar" turǵyn úı keshenininiń 15-shi qabatynan qulap ketkeni belgili bolǵan. Oqıǵa 22 aqpanda bolǵan. Alǵan jaraqatynan ol oqıǵa ornynda qaza tapty. Qazirgi ýaqytta polısıa oqıǵanyń mán-jaıyn anyqtap jatyr. 

"Vkontakte" jelisindegi Black Cost tobynyń resmı paraqshasynda Jandos Talǵattyń 1985 jyly 22 qyrkúıekte týǵany jazylǵan. "Black Cost tobynyń negizin qalaýshy, ol 1999 jyldan bastap mýzykalyq mansabyn bastady. Kópshiliktiń moıyndaýymen Hazard Qazaqstandaǵy eń myqty MS bolyp sanalady. Qazaq, orys, aǵylshyn tilderinde jazady, lırıka, hardkor, gengsta rep jáne taǵy basqa stılderde án jazyp, óz kásibıligin san márte dáleldedi. Ol ómirge degen kóz qarasyn áýenmen jetkizdi", - delingen Black Cost tobynyń resmı akkaýntynda.