«Reseılik Forrest Gamp» atanǵan Aleksandr Kaper  esimdi saıahattaýshy Máskeýden Bejińge deıin 200 kún ishinde júgirip ótpekke bekindi. Bul týraly «Qamshy portaly» lenta.ru- ǵa silteme jasap habarlaıdy.

Kaper  júgirýdi 4 naýryzda bastamaq. Ol 200  kún ishinde  segiz myń kılometrdi baǵyndyrýdy josparlap otyr. Onyń baǵytyna 16 reseılik aýmaq pen úsh memlekettiń terıtorıasy kirmek.

A.Kaper negizinen Reseı,  Reseı aýmaǵyndaǵy Vladımır, Cheboksary, Qazan, Ýfa, Irkýtsk, Ýlan-Ýde sıaqty qalalardan ótedi. Osy atalǵan eldi mekenderdiń kez-kelgen qalaǵan turǵyny saıahatshyǵa qosylyp júgirip ótse bolady.

«Ár adam ómirnde  ǵajap nárse jasaǵysy keledi. Men Máskeýden Bejińge deıin búkil el aýmaǵyn kese otyryp júgirip ótemin. Sebebi bul- meniń armanym»- deıdi Kaper.

 2015 jyldyń tamyzynda Kaper  Sevastopoldan Sımferopolge deıin,  2014 jyldyń sáýirinde Samaradan  Máskeýge deıin júgirip ótken.

«Forrest Gamp» -ty  belgili-bir turǵyda ózine úlgi etken Aleksandr, ataqty fılmniń basty keıipkeri sekildi  ataǵy elge tanylýda.

 «Forrest Gamp» —Roberta Zemekıstiń  1994 jylǵy fılmi. Basty keıipker Forrest Gamp úsh jyl boıynda AQSH aýmaǵymen júgirip ótedi.  Sol ýaqyt aralyǵynda oǵan jol-jónekeı qosylǵan adamdar sany kóbeıip, osylaısha, aty álemge tanylǵan.