"Qamshynyń" hat qorjynyna Aldabergen Aımaǵambetov esimdi azamattan hat kelip tústi. "Qamshy" aqparattyq portaly erkin pikir alańy bolǵandyqtan, ony jarıalaýǵa uıǵardy. Qarsy taraptyń aıtary bolsa ony da jarıalaýǵa daıynbyz. Avtor pikiri redaksıanyń pikirin bildirmeıdi.
Men, atam-ákem sıaqty, kásibı temirjolshy Aldabergen Aımaǵambetov, Aqtóbe temir joly bólimshesindegi bylyqtardy zań qadaǵalaýshy organdarǵa jetkizgenim úshin, Aqtóbe temir joly bólimshesi basshysy Jaras İzǵulovtyń, temirjol bólimshesi zańgeriniń týǵan apasy, Aqtóbe oblystyq kasasıalyq sot alqasy sýdıasy L.Lemashovaǵa (keıin ol jumysynan ketken), sýdıalar S.Qosymbetovke, N.Ájiǵalıevaǵa arqa súıep, maǵan kórsetken qorlyqtaryn amalsyzdan jazbasha jáne beınetaspa arqyly halqyma, Elbasyna jetkizýge májbúrmin, arasha suraımyn.
Aqtóbe oblysy, Hromtaý aýdany, Don stansıasynda memleketimizdiń magıstraldyq temir joly jelileri ornalasqan aımaqtan, berilmeıtin jerden óziniń jáne birinshi orynbasary Vladımır Petrovtyń nekeli áıelderine 3 jer telimin berdi, osy jer telimderi astyndaǵy 730 metr stansıa joly jáne arnaıy bıik alańdy, quny shamamenen 100 mln. teńge bolatyn, jekeshelendirýge jatpaıtyn memleket menshigin nekeli áıelderine jekeshelendirip berdi. Otbasylyq bıznes memleket esebinen aıyna 1 mln. 100 myń tenge paıda kórip otyr. Zań talaptary ashyq túrde buzylǵanyna qaramastan, «áı!» deıtin áje, «qoı!» qoja bolmaǵasyn temirjol basshylary jaýapkershilikten qutylyp júr.
Jaras İzǵulovqa mıllıon az boldy, endi aýyzdy mıllıardqa saldy.
"Qazaqstan temir joly basqarmasy 3 ret tekserý barysynda Aqtóbe oblysy Qandyaǵash beketinde 730 kún boıy elimizden syrtqa vagon-sısternalarymenen, kompozıt júgi degen atpen, shyn máninde munaıdyń jóneltilgenin anyqtady".
2009 jyly qyrkúıekte qylmystyq iske baılanysty sot Úkimin shyǵarǵan, keıin jumystan ketken Muǵaljar aýdandyq sotynyń sýdıasy N.Ájiǵalıeva, 730 kúnniń tek 60-kúninde munaıdyń «kompozıt» bolyp ketkenin kórsetip, memleketke 5,5 mlrd.teńge shyǵyn kelgenin anyqtady.
Sonda, taǵy 670 kún boıy munaıdyń kompozıt bolyp ketkenin úkimde nege kórsetpegen? Budan memleket qandaı shyǵyn kórdi? Bul aqsha kimniń qolynda ketti? Anyqtamaǵan. Óıtkeni, Qandyaǵash stansıasy jolynda vagon-sısternalardaǵy munaı júginiń kodyn kompozıt júginiń kodyna aınaldyryp syrt elge jóneltken Jaras İzǵulov pen onyń sybaılastaryn jaýaptylyqtan qutqarý úshin ádeıi sot aktisin shyǵardy.
Úlken kúrespenen, 2016 jyly aqpanda Kiris departamenti qozǵaǵan qylmystyq is kózbe-kóz temirjoldyń óziniń anyqtaǵan qujattaryn jasyryp, qaıta-qaıta jabylyp qalýy tekten tek emes. Memleketimizdiń qaýipsizdigine nuqsan keltiretin shamamen 100 mlrd.teńge munaı urlyǵy týraly qylmystyq is Ulttyq Qaýipsizdik Komıtetiniń qaraýyna berilmeı ashylmaıdy.
Qalaıda meniń aýzymdy jabý úshin, meni qatarynan 3 (úsh) ret – 2009 jyly Eńbek shartyn buzyp jumystan shyǵardy, al keıingi ekeýinde sot sheshimderinen keıin qaıta jasalmaǵan Eńbek shartyn buzyp, qabyldamaǵan jumystan shyǵardy".
2009 jyly qarashada sot sheshimin shyǵarǵan sýdıa – meni burynǵy jumysyma emes, burynǵy qyzmetime ornalastyryp, qaǵaz júzinde jumysqa qosty.
-2011 jyly naýryzda kasasıalyq sot alqasynyń Qaýlysy, kúshine engen sot sheshimi, meni 2-shi ret shtattyq kesteden qysqartylǵan laýazymdaǵy burynǵy jumysyma qaıta ornalastyrdy. Mindetti túrde oryndalatyn sot sheshimin J.İzǵulov oryndaǵan joq. Laýazym shtattyq kestege engizgen joq, Eńbek shartyn jasaǵan joq. Jumysqa qabyldaǵan joq. Sot sheshimimenen óndirilgen aılyq jalaqydan memleketke tıisti salyq tólemderin, mindetti zeınetkerlik qorǵa 1 tıyn da aýdarǵan joq. Óıtkeni, men eshkim de emes ekendigimdi túsinetin Aqtóbede prokýror joq. Múmkin, Bas prokýror Jaqyp Asanovtyń qulaǵyna tıse túsiner.
- 2011 jyly shildede, jasalmaǵan Eńbek shartyn buzyp, shtattyq kestede qysqartylǵan joq laýazymnan, qabyldamaǵan jumystan 3-shi ret shyǵardy. Kasasıalyq sot alqasy qaýlysynan keıin, araǵa 7 (jeti) aı salyp, 2011 jyly qyrkúıekte sot sheshimin shyǵarǵan sýdıa burynǵy jumysyna qaıta ornalastyrý týraly zańdy kúshine engen kasasıalyq sot alqasynyń Qaýlysyn, burynǵy qyzmetine qaıta ornalasqan dep ózgertti. Ádeıi shyǵarylǵan sot sheshiminiń aıasynda, oryndalýy mindetti sot sheshimin oryndamaǵandar - J.İzǵulov pen onyń sybaılastary, memlekettik sot oryndaýshylary A.Asqar, T.Ábýov jaýaptylyqtan qutylyp júrgenderine 6 (alty) jyl toldy.
- 2016 jyly shildede Aqtóbe oblysynyń ákimi Berdibek Mashbekuly Saparbaev jeke qabyldaýynda bolǵanymda «Eńbek sharty jasalmaǵan jerde jumysqa qabyldaý buıryǵy qaıdan bolady?» dep, oryndalýy mindetti sot sheshiminiń oryndalmaǵanyna kózi jetti. Qalaıda, J.İzǵulovty jaýaptylyqtan qutqarý úshin, zańdy kúshine engen sot aktisiniń talabyn, zańdy kúshine engen ekinshi sot Aktisine ózgertip, qarama-qaıshy sot Aktisin shyǵarǵan Aqtóbdegi sotqa kimniń áli keledi? Osydan keıin, jumysqa qaıta ornalastyrý týraly mindetti sot sheshimin oryndatýǵa endi eshkimniń de qulqy joq, ony umytty! Múmkin, bul masqaralyq jaǵdaı Joǵarǵy Sot tóraǵasy Qaırat Mámıdiń qulaǵyna tıse túsiner.
Men, aldy 16 jastaǵy 8 nemereniń atasy, jumysqa qaıta ornalastyrǵan 2011 jyly naýryzdaǵy mindetti sot sheshimin oryndata almaǵan qorlyqtan, 2-ret ınfarkt aldym, júrekke operasıa jasattym. Shydamym taýsyldy.
Aqtóbe oblysy quqyq qorǵaý organdary,
Qurmetti Otandastar!
Otanymyz Qazaqstanda zańdy belden basyp, oılaryna kelgenderin jasap, memleket qaltasyna qol salyp, memleket esebinen baıyp, memleketimizge qaýip tóndiretin is-áreketterge barǵandardy toqtatýǵa biraýyzdan daýys kóterip, maǵan arasha túsýlerińizdi suraımyn.
Aldabergen Aımaǵambetov 2017 jyldyń naýryzy.
