Qazirgi tańda aspan asty elindegi Dımash Qudaıbergenniń «Men ánshimin» baıqaýyna qatysýy halyqaralyq sıpat aldy desek artyq bolmas.

Sheteldegi baıqaýdy basym kópshiligimiz ǵalamtor arqyly tamashalap otyrmyz. Ánshiler baıqaýyn kórip, pikir bildirýge nıet bildirgen halqymyz ben sheteldegi pikirlerge nazar aýdarsaq,  2 topqa toptastyryp, mynadaı qorytyndy jasaýǵa bolady. Birinshiden: maqsat qazaq halqy mádenıetin dúnıejúzine tanytý bolsa – úlken  sahnalarǵa shyǵý kerek. Úlken sahnaǵa shyǵý úshin sapa kerek. Nátıje emes, sapa. Nátıje qaıtken de bolady. Sapa

nátıjeden joǵary turǵanda ǵana óner damıdy. Osy sapa kóringenshe izdeniske jol ashý kerek, shyńdalýǵa  múmkindik beretin orta kerek.  Sol kezde sapa kórsetkishi bıik ónerge, bıik óner bıik sezimderdiń kórinýine, adam boıynda eń izgi qasıetterdiń oıanýyna arnalǵan eńbekke aınalady.

Pikirlerde qazaq, qyrǵyz, orys, qytaı, amerıkandyqtar barlyǵy bir adamdaı ıgi  tilekterin aıtyp, tánti bolýy – adamzattyń balasynyń óner arqyly, beıbitshilikte, tatýlyqta ómir súrýge ishki umtylysy kórinis beredi.

Óner men sport egiz degen sóz ras. Tarıhtan bilemiz Olımpıada oıyndarynda soǵys toqtatylyp, beıbitshilik ornaıtyn. Sebebi búkil adam balasy jeke dara ómir súre almaıdy. Halyqtar da solaı. Oqshaýlanyp ómir súrý múmkin emes. El, halyqtar arasynda beıbitshilikke umtylys, eń izgi oılarymyz ónerde, sportta, ortaq merekelerde kórinis tabatyny adam bolmysynyń shyndyǵy.

Kúnzıpa Rahımqyzy