Qazaqstan Prezıdenti Qytaı Halyq Respýblıkasynyń Tóraǵasy Sı Szınpınge kóńil aıtý jedelhatyn joldady. Bul týraly Qamshy aqparattyq agenttigi Aqorda málimetine súıenip habarlaıdy.
Memleket basshysy bıylǵy 24 maýsymda Sychýan provınsıasyndaǵy laı kóshkini saldarynan kóptegen adamnyń qaza bolǵany týraly habardy zor kúızelispen qabyldady.
«Osyndaı aýyr sátte Qazaqstan halqynyń jáne jeke ózimniń atymnan Sizge, qaza bolǵandardyń otbasylary men týǵan-týystaryna kóńil aıtyp, zardap shekkenderdiń tezirek saýyǵyp ketýine tilektestik bildiremin», – delingen jedelhatta.
Sholýshy: Aıgerim Taýbaı
