Mońǵolıa tarıhyndaǵy besinshi prezıdent saılaýy bastaldy.

Búgin, ıaǵnı 26 maýsymda Mońǵolıada prezıdent saılaýyna daýys berý bastaldy. Buǵan deıin eki márte memleket basshysy bolǵan Sahıagıın Elbegdorj bul jolǵy saılaýǵa qatysa almaıdy, dep jazady Qamshy aqparattyq agenttigi.

Perezıdenttikke úmitker úsh azamat Mońǵolıadaǵy negizgi úsh partıadan usynylyp otyr. Bılik partıasy bolyp kelgen «Demokratıalyq partıadan» - Battýlga Haltmaa usynylsa, «Mońǵolıa Halyq partıasynan» Enhbold Mıeegomb jáne «Mońǵol halyq revolúsıalyq partıasynan» Saınhúú Ganbaatar úmitker retinde tirkeldi. Jergilikti saıası sarapshylardyń boljamy boıynsha «Demokratıalyq partıanyń» ókili H.Battýlganyń múmkindigi joǵary.

Ulan-batyr qalasynyń ýaqyty boıynsha tańǵy saǵat 07:00-de bastalǵan (Astana ýaqytymen tańǵy 05:00) saılaý Mońǵolıa kóleminde 1983 saılaý ýchaskesinde ótip jatyr.