Soltútsik Karolına shatatynyń turǵyny Djastın Sallıvan DAISH-qa qarjylyq qoldaý tanytqany úshin, sondaı-aq ekstremıstik toptyń atynan terakt uıymdastyrmaq bolǵandyqtan ómir boıyna bas bostandyǵynan aıyryldy, dep jazady Qamshy aqparattyq agenttigi Jergilikti BAQ-tyń málimetine súıenip.
Soltústik Karolınanyń Batys okrýginiń prokýrory Djıll Ýestporlendtiń málimdeýinshe, 21 jastaǵy sottalýshy «birneshe adam zardap shegýi múmkin» terakt uıymdastyrmaq bolǵan.
Sotta Djastın ózine taǵylǵan kinásin moıyndap, atynan shyn mánisinde shabýyldamaq bolǵanyn aıtty. Onyń ústine, Sırıadaǵy DAISH terorıstik uıymynyń múshesimen tyǵyz baılanysta ekendigin de jasyrmady.
Tergeýge sáıkes, Sallıvan ekstremıstik uıymǵa 2014 jyly áýesqoılyq tanytqan. Sol jyldyń jeltoqsanynda 74 jastaǵy kórshisin óz ákesiniń qarýymen atyp óltirgen. Bul qylmysy úshin tek 2015 jyldyń maýsymynda sottalǵan.
