Jaratqannyń quldary ımandylyqqa ár túrli joldarmen keledi. Bir adamdar týylǵannan ımandy, endi bireýdiń basyna taıaq tıgende, teperish kórgende Táńirisi esine túsedi, dep jazady Ihsan.kz saıty.

«Osy zamannyń jibi túzý adamy sıaqty bul jigit te eshkimge jamandyq jasap, kisiniń ala jibin attamasa da musylmandyqty eskiliktiń qaldyǵy dep biletin. Din paryzdaryn salt-joralǵy sıaqty qabyldap, Quran oqý, namaz oqý, Oraza ustaý degendi úlkenderden qalǵan dástúr syndy kóretin edi.

Sóıtip júrgende qalalyq ákimshilikte isteıtin osy azamat bir kúnde Allanyń jolyna tústi.

Adam ómirden ozǵanda arýlap jýyp, aqqa kebinge orap, o dúnıege attandyryp salady ǵoı. Musylmandyqqa máıitti jerleýge tek er kisiler baratyny belgili. Jańaǵy jigit te jurtpen birge jaqynyn jerleýge mazaratqa barady. Janaza shyǵarylyp, et jaqyndardyń qatarynda kórge birneshe adamnyń birge túsip baqıǵa attanǵan adamdy máńgilik mekenine qoıysty.

Osydan keıin máıitshilermen qosylyp qaıtys bolǵan kisiniń otbasyna oralǵanda, jambas qaltasynda júrgen ámıany joq ekenin baıqap, aınalasyndaǵylardyń surastyryp, ábden álekke túsedi.

Ámıan joǵaltqan jigit júrgen jolyn, basqan qadamdarynyń bárin eksheı kele, búkil mańyzdy jeke qujattary men qarajaty bar dúnıesi kórde qalǵanyn sezedi.

Adamǵa emes, qaǵazǵa senetin myna qoǵamda joǵalǵan qujattardyń bárin qaıta jasatý qıamet-qaıym ekenin ekiniń biri biledi ǵoı. Sodan jańaǵy jigit moldalar men úlken kisilerden birneshe saǵat buryn kómilgen kórdi qaıta qazdyrýǵa ruqsat suraıdy.

Aýyldyń ımamy Allaǵa jalbarynyp, keshirim duǵasyn oqyp bolǵan soń, álekeıdeı jalanǵan birneshe erkek jańa molany qaıta ashady.

Árıne, bala kezimizde osyǵan uqsas oqıǵalardy ár qaısysymyz da estip óstik. Bir jaratqan ıeniń bar ekenin ár úıdegi ımany bar úlkender udaıy aıtyp otyrady.

Alaıda, adam balasy qalaı bolǵanda da pende emes pe?! Basqa túspeı, kózben kórmeı Allanyń bar ekenine kúmán keltirýin qoımaq emes.

Sonymen álgi jigitpen qosylyp qabir qazǵandar adam aıtsa nanǵysyz sátke kýá bolypty.

Birneshe saǵat buryn qabirge qoıylǵan máıittiń úıin qaıta ashqanda jerlengen adam otyr!.. deıdi. Qolynda aǵash kisen bar. Bir top adam muny kórgende tóbe shashtary tik tursa da, tilderin kálımege keltirip, Qurandaryn toqtatpaı oqyp, otyrǵan máıitti qaıta ornyna jatqyzǵanda qolyndaǵy aǵash kisen joq bolyp ketedi.

Topyraǵy keppegen molany ashqandar ámıandy tapqanymen, júzderi aq qaǵazdaı qýaryp, bir birimen lám-mım dep bir aýyz tildesýge shamalary kelmeı, qaıtyp keledi.

Sol ámıannyń ıesi de bala kezinen ana dúnıede suraq-jaýaptyń bolatynyn estip ósse de, osyny úsh uıyqtasa túsinde kórmegeni aqıqat.

Osy oqıǵadan keıin ákimshilikte qyzmet atqaryp júrgen azamat bir aýyz sózge kelmesten, eshkimniń ýaǵyzyn tyńdamaı-aq, bir-aq kúnde ımandylyq jolyn tańdady.
Barshamyz ólim saǵaty kelmeı turyp, ımandylyq jolyna túseıik, namaz oqıyq. Qábirde bizderdiń barlyǵymyzdy suraqqa alatyn Mýnkar men Nákır perishteleri kútip otyr.

Musylman baýyrlar oqıǵany dostaryńyzben bólisip ımandylyqqa shaqyryńyzdar. Jaqsylyqqa úndeýshi sony jasaǵandaı saýap alady.