29 maýsymda Almaty qalasynyń jetinshi qalalyq aýrýhanasynyń jansaqtaý bóliminde tanymal velosıpedshi Dana Ahmetova qaıtys boldy, - dep habarlaıdy Qamshy aqparattyq agenttigi Zakon.kz-ke silteme jasap.

Qazaqstan velosıped sporty federasıasyna silteme jasap.  "23 maýsymda 17 jastaǵy sportshy qyz IV Jastar sport oıyndarynda esinen tanyp qalǵan, sodan keıin jedel járdem brıgadasy ony jansaqtaý bólimine jetkizgen. Dárigerler Dananyń jaǵdaıy tym aýyr dep baǵalaǵan. Qyz bala es jımastan qaıtys boldy", - delingen federasıanyń resmı saıtynda jarıalanǵan habarlamada.

  Sonymen qatar, federasıadaǵylar Dana Ahmetovanyń Soltústik Qazaqstandaǵy oblystyq mamandandyrylǵan daryndy balalarǵa arnalǵan mektepte oqyǵanyn jáne Qazaqstan Respýblıkasynyń sport sheberi ekenin jazǵan. 2016 jyly Dana Olımpıadaǵa daıyndyq ortalyǵynyń tiziminde bolǵan.

  "Dana Ahmetova talantty ári myqty sportshy bolatyn, ol ózi qatysqan jarystarda jeńiske degen úlken erik-jigerin kórsete bildi. Maýsym bastalysymen ol birneshe medalǵa ıe boldy. Qazaqstan velosıped sporty federasıasy Dana Ahmetovanyń jaqyndary men týystaryna kóńil aıtady jáne qaıǵyǵa ortaq ekenin jetkizedi. Bul orny tolmas qaza. Biz sizderdiń qaıǵylaryńyzǵa ortaqpyz", - delingen habarlamada. 

Sholýshy: Aıgerim Taýbaı