Baıqońyr tóńireginde oba indeti tabyldy dep jazady QazAqparat. Asa qaýipti juqpaly aýrý oryn alǵan jaǵdaı týraly qala ákimshiliginiń resmı saıtynda habarlandy. Ákimshilik Baıqońyr turǵyndaryn qala syrtyna shyqqanda abaı bolýǵa shaqyrdy. «Qala ákimshiliginiń eskertý jáne tótenshe jaǵdaıdy joıý jáne órt qaýipsizdigin qamtamasyz etý jónindegi komısıasy «Baıqońyr» kesheni aýmaǵynyń tóńiregindegi tabıǵı-oshaqtyq asa qaýipti juqpaly aýrý - oba boıynsha oryn alǵan epıdemıologıalyq jaǵdaıǵa baılanysty qala syrtyna shyqqanda saqtyq tanytyp, abaı bolýǵa shaqyrady», - delingen habarlamada.

Qalada tótenshe jaǵdaıdy joıý jáne eskertý jónindegi komısıanyń kezekten tys otyrysy ótti. «Keshen boıynsha bas memlekettik sanıtarlyq dáriger Sergeı Ogar men Reseı Federaldy medıko-bıologıalyq agenttigi №1 Ortalyq medıko-sanıtarlyq bóliminiń bastyǵy mindetin atqarýshy  Sergeı Romanov jasaǵan baıandamada «Baıqońyr» kesheni aýmaǵynyń tóńireginde tabylǵan tabıǵı-oshaqtyq asa qaýipti juqpaly aýrý - oba boıynsha oryn alǵan epıdemıologıalyq jaǵdaı týraly málim etildi. Talqylaý nátıjesinde is-sharalardy kúsheıtý jáne qala turǵyndaryna bolǵan jaǵdaı týraly aqparat taratý sheshimi qabyldandy», - dep habarlady qala ákimshiligi.