Almaty qalasynyń turǵyny Abzal Myrzash 7 jylda mektep baǵdarlamasyn támamdap, 12 jasynda mektepti úzdik bitirip shyqty,- dep jazady Qamshy aqparattyq agenttigi stan.kz-ke silteme jasaı otyryp. Výnderkınd bala ulttyq biryńǵaı testileýden de joǵarǵy bal alyp, joǵary oqý ornynyń stýdenti atanǵaly otyr. Alaıda oqýshynyń ata-anasy bilim mınıstrligine ókpeli. Sebebi mektepti jedeldetip bitirip shyqqan balaǵa altyn belgi de, qyzyl atestat ta berilmeıdi eken.
Abzalǵa syrttan qarasańyz balalarmen asyr salyp oınap júrgen qarapaıym jasóspirim sıaqty. Biraq onyń bilim deńgeıi ózinen birneshe jas úlken balalardan da artyq ekenin bireý bilse, bireý bilmes. Daladaǵy dostarynan qysylyp turyp suhbat bergen bala bolashaqta AQSH-ta bilim alǵysy keletinin aıtty.
«Mamandyqtar týraly izdestire kele, IT-tehnologıa salasyn tańdadym», – deıdi ol.
Abzal dárigerler otbasynyń tuńǵyshy. Onyń bilimge degen qushtarlyǵyn ata-anasy kishkentaı kezinde-aq baıqapty. Ol úsh jasynda árip tanyp, kitap oqysa, tórt jasynda kóbeıtý kestesin jatqa aıtypty.
«Adamdar, tabıǵat, jan-janýarlar týraly ensıklopedıa kitaptaryn balaǵa ákelip berdim. Sosyn sol kitaptardy ózdiginen oqyp, ıgere bastady», – deıdi ákesi Dáýrenbek Nysanov.
Bul otbasynyń úsh balasy da mektepke bes jasynan barǵan eken. Bári de úzdik oqıdy. Al Abzaldyń aqyldylyǵy sonsha bir jylda eki jyldyq mektep baǵdarlamasyn op-ońaı meńgerip alatyn. Onyń respýblıkalyq, halyqaralyq olımpıadalarǵa qatysyp júlde alǵan dıplomdarynda tipti san joq. Alaıda elimizde výnderkınd balalarǵa kórsetiletin iltıpat azdaý sıaqty.
«Qala ákimi búkil Altyn belgi ıegerlerine saltanatty túrde marapattaryn tabystady. Sony kórip meniń de balam nege saltanatty túrde alyp, solardyń ishinde júrmedi dep kishkene qynjyldym», – deıdi anasy Jazıra Doskeeva.
Kúzde Abzal stýdent atanbaq. Qazaq-brıtan tehnıkalyq stýdenti balanyń UBT-dan alǵan baly grantqa jetpese, ýnıversıtettiń ishki grantyn bólemiz dep ýáde beripti. Zerek ul bul túrimen joǵary oqý orynyn da bir-eki jylda bitirip shyǵýy ábden múmkin.
Sholýshy: Ásel Bolatqyzy
