Qyzylordada ınternet arqyly dinı alaýyzdyqty týǵyzbaq bolǵan er adam jaýapkershilikke tartyldy, - dep habarlaıdy Qamshy aqparattyq agenttigi  Qyzylorda oblystyq İİD baspasóz qyzmetine silteme jasap.

Baspasóz qyzmetindegilerdiń málimetinshe, bul oqıǵa 2017 jyldyń naýryzynda bolǵan. "Qyzylorda oblysynyń İİD Ekstremızmge qarsy is-qımyl basqarmasy qyzmetkerleri júrgizgen keshendi is-sharalardyń nátıjesinde ǵalamtor jelisindegi áleýmettik paraqshasy arqyly dinı alaýyzdyqty qozdyrýǵa baǵyttalǵan qasaqana áreketter jasaǵan qyzylordalyq 26 jastaǵy turǵyn ustaldy. Er adamǵa qatysty qylmystyq is qozǵalyp, onyń destrýktıv dinı aǵymnyń ustanýshysy ekendigi anyqtaldy", - dep habarlady baspasóz qyzmetindegiler.

Saraptamalar taǵaıyndalyp, aıǵaq zat retinde aýdıojazbalar alynyp, birqatar jedel is-shara júrgizildi. Nátıjesinde er adam 2017 jyldyń 5 maýsymynda sottyń sheshimi boıynsha QR Qylmystyq kodeksiniń 174-baby 1-bóligine sáıkes kináli dep tanylyp, 2 jylǵa shartty túrde sottaldy.

Sholýshy: Ásel Bolatqyzy