Qujattar birden óńdelip, daıyndalady jáne daıyn bolysymen ıesine beriledi.

3 shildeden bastap Astana qalasynyń Esil aýdandyq halyqqa qyzmet kórsetý ortalyǵynan týý týraly jáne ólgendigi jónindegi kýálikterdi úsh saǵattyń ishinde alýǵa bolady, dep jazady Qamshy aqparat agenttigi. Bul týraly «Azamattarǵa arnalǵan úkimet» memlekettik korporasıasynyń tóraǵasy Abylaıhan Ospanov habarlady.

«1 shildeden bastap Ádilet mınıstrligi ákimdikpen birlesip, «Sankt-Peterbýrg» bıznes ortalyǵyndaǵy HQKO-ynda synamaly jobany iske qosty jáne búginnen bastap týý jáne ólgendigi jónindegi kýálikterdi alý úshin HQQO-daǵy bizdiń mamandarymyzdyń kómegine júginýlerińizge bolady. Bul joba kýálikterdi alý ýaqytyn eki kúnnen úsh saǵatqa deıin qysqartýǵa múmkindik berdi. Onyń ózinde úsh saǵattyń ózi eń joǵarǵy kórsetkish. Shyn mánisinde qujattar birden óńdelip, daıyndalady jáne daıyn bolysymen ıesine beriledi. Bizge qazir eki qyzmet boıynsha qujattardy tirkeý jáne ázirleý jumystarynyń mólsherin eseptep shyǵarý kerek. Eger bári sátti aıaqtalyp jatsa, qujattardy qabyldaý elimizdiń barlyq HQO-ynda júzege asyrylatyn bolady», - dep jazdy Abylaıhan Ospanov Feısbýktegi paraqshasynda.