Din isteri komıetiniń tóraǵasy mindetin atqarýshy taǵaıyndaldy, dep jazady Qamshy aqparat agenttigi. Bul týraly mınıstrliktiń baspasóz qyzmeti habarlaıdy.

 Din isteri jáne azamattyq qoǵam mınıstri N. Ermekbaevtyń buıryǵymen QR Din isteri jáne azamattyq qoǵam mınıstrliginiń Din isteri komıtetiniń tóraǵasy mindetin atqarýshy laýazymyna Onǵarbaev Erkin Anýaruly taǵaıyndaldy. Erkin Anýaruly memlekettik organdarda, ǵylymı-zertteý uıymdarynda, joǵary oqý oryndarynda túrli laýazymdardy ıelendi. 2003 - 2007 jyldar aralyǵynda QR Bilim jáne ǵylym mınıstrliginiń Ǵylym komıtetiniń tóraǵasy bolyp qyzmet atqardy.

Sondaı-aq, «Parasat» Ulttyq ǵylymı-tehnologıalyq holdıńiniń basqarýshy dırektory, «Astana» ýnıversıtetiniń rektory, L.N. Gýmılev atyndaǵy Eýrazıa ulttyq ýnıversıtetiniń prorektory bolyp jumys istedi. Zań ǵylymdarynyń doktory, «Qurmet» ordenimen jáne «Qazaqstan Respýblıkasynyń eńbek sińirgen qaıratkeri» qurmetti ataǵymen marapattalǵan.

Sonymen qatar, oqý demalysynan keıin QR Din isteri jáne azamattyq qoǵam mınıstrliginiń Din isteri komıteti tóraǵasynyń orynbasary Ábeldınova Álıa Sapabekqyzy jumysqa kiristi. Álıa Sapabekqyzy QR Prezıdent Ákimshiliginiń baspasóz qyzmetinde, QR Aqparat jáne komýnıkasıalar mınıstrliginde, QR Mádenıet jáne sport mınıstrliginde qyzmet atqardy.

2015 - 2017 jyldar aralyǵynda QR Prezıdenti janyndaǵy Memlekettik basqarý akademıasynda «Memlekettik jáne jergilikti basqarý» mamandyǵy boıynsha bilim aldy.