Jantúrshigerlik oqıǵa Rıdderde bolǵan. Tańǵy saǵat 4:00 shamasynda jergilikti turǵyndar belgisiz bur er adamdy kózderi shalǵan. Bir keleńsizdikti júregi sezgen turǵyndar polısıa qyzmetkerlerin shaqyryp, atalmysh jaıtty vıdeoǵa túsirip alǵan, dep habarlaıdy Qamshy aqparattyq agenttigi YK-news.kz saıtyna silteme jasap.

Vıdeoda er adamnyń bir máıitti tasyp alyp bara jatqandyǵy anyq kórinedi. Oqıǵa ornyna kelip jetken polısıa qyzmetkerleri kúdiktini ustap, ýaqytsha qamaý ızolátoryna toǵytty.

«Belgili bolǵandaı, 29 jastaǵy er adam úıine óziniń 45 jastaǵy tanysyn qonaqqa shaqyrǵan. Olar birge ishimdik iship otyryp, kelispeı qalǵan. Urystyń sońy tóbeleske ulasyp, alǵan jaraqatynyń kesirinen shaqyrylǵan qonaq oqıǵa orynda kóz jumǵan. Al qylmysker máıitti kómp tastap, izin sýytpaq bolǵan», - dep málimdedi SHQO İİD baspasóz qyzmeti.

Atalmysh jaıtqa qatysty qylmystyq is qozǵalyp, istiń mán-jaıy anyqtalýda.

Sholýshy: Nazerke Labıhan