6 shildede, mereke qarsańynda Qazaqstannyń basym aımaqtarynda kún bultty bolady, keı óńirlerde jańbyr jaýyp, jel kúsheıedi, sońy burshaqqa ulasýy múmkin, dep jazady Qamshy aqparat agenttigi Qazgıdrometke silteme jasap.

Respýblıkanyń batysy men ońtústiginde aýa raıy ystyq bolady.

Al Soltústik  Qazaqstan, Pavlodar oblystarynda jel 15-20, keı jerlerde ekpini 25 m/s kúsheıedi, burshaq bolýy múmkin.

Aqmola, Shyǵys Qazaqstan, Aqtóbe oblystarynyń keı jerlerinde jeldiń jyldamdyǵy  15-20 m/s jetip, burshaq jaýýy yqtımal. Qostanaı oblysynda keı jerlerinde jeldiń kúshi 15-20, ekpini 23 m/s jetedi.

Batys Qazaqstan, kúndiz Atyraý, Jambyl, Qaraǵandy oblystarynda jel turady, jyldamdyǵy -  15-20 m/s. Kúndiz Qyzylorda, Manǵystaý oblystarynyń keı jerlerinde jeldiń kúshi 15-20 m/s  jetip, shańdy daýyl kóteriledi.

Kúndiz Kyzylorda, Almaty, Jambyl, Ońtústik Qazaqstan, Batys Qazaqstan, Qostanaı, Qaraǵandy oblystarynda aptap ystyq.

Sondaı-aq, Mańǵystaý, Atyraý, Aqtóbe oblystarynda da óte qatty ystyq bolady. Qyzylorda, Ońtústik-Qazaqstan, Qaraǵandy, Qostanaı, Atyraý, Batys-Qazaqstan oblystarynyń keı jerlerinde óte joǵary órt qaýpi saqtalady.