Grand Chess Tour uıymdastyrýshylary Sent-Lýıste ótetin bolatyn Gran-týr serıasy kezeńine Shahmattan 13-inshi Álem chempıony Garrı Kasparov qatysatynyn málimdedi.  Sondaı-aq ol jyldam shahmat týrnırinde óner kórsetpek. Bul týraly BBC-diń orys qyzmeti jazdy.

54 jastaǵy Kasparov sporttyq mansabyn 2005 jyly aıaqtaǵan edi. Sodan beri tek kórmelik machtar men týrnırlerge birneshe ret qana qatysty.

Garrı Kasparov 1985 jyly Shahmattan Álem chempıony boldy. Onda ol Anatolıı Karpovty jeńip, tarıhı oıyn ótkizdi. Sodan bastap 2006 jylǵa deıin Kasparov FIDE reıtıńinde kósh bastady. . Onyń rekordty nátıjesi 2851 bal, 1999 jyly qoıylǵan. Ony 2013 jyly ǵana Magnýs Karlsen jańartqan.

Sporttyq karerasyn aıaqtaǵan soń Kasparov Vladımır Pýtın saıasatyna belsendi túrde qarsylyq bildirdi. 2012 jyly qazan aıynda Kasparov Reseı opozısıasynyń Koordınasıalyq keńesine saılandy.

2013 jyly Garrı Kasparov Reseıden bir jola ketti. Qazirgi tańda Nú-Iorkte ómir súredi. 2014 jyly ózine azamattyq bergen Horvatıada úıi bar.

Osy jolǵy Sent-Lýıstegi Gran-týr kezeńindegi oıyndarda  onyń qarsylastarynyń qatarynda álemniń tanymal shahmatshylary - Levon Aronán, Vıshvanatan Anand, Fabıano Karýana, Hıkarý Nakamýra Sergeı Karákın jáne Ian Nepomnáshıı bar.