Astana – álemniń barlyq úzdik sáýlet týyndylaryn boıyna jınaı bilgen qala. Oǵan taza aýa men ásem tabıǵatty qosyńyz. EHRO-ny tamashalap, elordaǵa saıahattap qaıtqan beıjińdikter tańdanystaryn jasyrmady dep habarlaıdy Qamshy aqparattyq agenttigi 24.kz-ke silteme jasaı otyryp.
Sú Shá Astanadan taıaýda oraldy. Smartfonyna túsirilgen elordanyń kórikti jerleri men EXPO-nyń jańalyqtaryn qyzyǵa baıandaıdy. «Alǵashynda qazaqstandyq ónerpazdyń konsertine ǵana barýdy josparladym, keıin Astana shahary sonshalyqty baýrap alady dep oılamadym», – deıdi. Ásirese arqanyń ashyq aspany men jóńkilgen aqsha bulttary qatty unaǵanyn aıtady. Al EXPO-ny aralap bolashaqqa sapar shekkendeı áser alǵan.
«Astanaǵa birinshi ret bardym. Umytylmastaı áser aldym. Árıne til jaǵynan azdap qıyndyqtar boldy. Qalany aralap júrgende onlaın aýdarmashyny qoldandyq. İs-qımylmen kórsetýge tyrystyq. Qazaqstandyqtardyń qonaqjaılyǵynyń arqasynda qolaısyzdyqtar tez sheshildi. Al Býrabaı týraly saǵattap aıtýǵa bolady. Tabıǵaty tunyp turǵan jer eken. Kúni boıy aralasaq ta, sharshaǵanymyzdy baıqamadyq»,- deıdi Baodın qalasynyń turǵyny Cıý Shá,
Qytaı týrıseri Qazaq elindegi tamaqtyń qunarlyǵyna tańdanystaryn jasyrmaıdy. «Baldaı qymyz, taza aýa», – dep shynaıy aqtaryldy. «Astanaǵa shyn ǵashyq boldym. Men Qazaqstanǵa taǵy qydyryp baramyn, – deıdi Chjýan. Biraq kelesi joly dostaryna jol bastaýshy retinde saıahattaýdy josparlap otyr.
