Almatyda qalaǵa qosylǵan eldi mekenderdegi turǵyndardy, sonyń ishinde taýly jerlerde turatyndardy qoǵamdyq kólikpen qamtamasyz etý maqsatynda 10 shildeden bastap jańa avtobýstardyń baǵyttary ashylady dep habarlaıdy Qamshy.kz aqparat agenttigi Almaty qalasy ákimdiginiń Baspasóz qyzmetine silteme jasap. Bul mańyzdy isti júzege asyrý úshin jergilikti búdjet esebinen túrli jolmen júrýge beıimdelgen Evro-4 ekologıalyq standarttaǵy 45 dızeldi avtobýstar alynǵan edi.
Jańa baǵyttar turǵyndar men ákimdikterden túsken ótinimder negizinde jasaldy. Búgingi kúnge deıin qajetti jyljymaly sostavtyń joqtyǵy saldarynan joǵaryda atalǵan baǵyttarǵa kólik qatynamaıtyn.
Bıylǵy jyldyń 10 shildesinen bastap «Almatyelektrotrans» JSHS myna baǵyttar boıynsha kólik qozǵalysyn qamtamasyz etedi: № 26 (Taýjoly – Qalqamandaǵy №7emhana), № 40 (Jumysshylar poselkesi – Maqataev kóshesi), № 125 (Kókjıek - «Armada» saýda úıi). 17shildeden bastap myna baǵyttar boıynsha avtobýstar júre bastaıdy: №14 (Qaraǵaıly - «Barys-3» bazary), № 15 (Alataý sovhozy - «Altyn Orda» bazary) baǵytynda avtobýstar júre bastaıdy. Qujattardy daıyndaý jónindegi barlyq is-shara bitken soń 1 tamyzdan bastap №28 (Orbıta 2,4 - GES 2), №68 (Ál-Farabı dańǵyly - Remızovka saıajaılary) baǵyttar boıynsha avtobýstar qatynaıtyn bolady», - delingen qalalyq ákimdiktiń baspasóz qyzmeti taratqan aqparatta.
«Almatyelektrotrans» JSHS-niń komýnaldy kásipornyna LIAZ markaly 15 avtobýs berildi. 9,5 metrli tómen edendi bul avtobýstar Evro-5 ekologıalyq standartyna saı, kondısıonerlermen, múgedekter úshin arnaıy kótergishtermen jabdyqtalǵan. Qujattardy daıyndaý jónindegi barlyq is-shara bitken soń olar 1 tamyzdan bastap myna baǵyttar boıynsha jolǵa shyǵady: №28 (.Orbıta 2,4 – GES 2), №68 (Ál- Farabı dańǵyly – Remızovka saıajaılary).
Sonymen qatar, qala baǵyttaryndaǵy jyljymaly sostavty jańartý maqsatynda jyl aıaǵyna deıin 300 zamanaýı jańa avtobýstar alý úshin Almaty ákimdigi 11,5 mlrd. teńge bóldi.
Sholýshy: Ásem Álmuhanbet
