Vashıngton Gambýrgte ótetin «Úlken jıyrmalyqtyń» samıti aldynda Beıjińniń tamyryn basyp kórdi. Amerıkanyń eki B-1B bombalaýshy ushaǵy Ońtústik-Qytaı teńizi ústinen ushyp ótti dep jazady Qamshy.kz. Onda Qytaı ózine tıesili dep sanaıtyn daýly aral Sısha ornalasqan.

Sısha araly – Parasel araldaryndaǵy Arhıpelag. Olar Qytaıdyń Haınan aralynan ońtústikke qaraı 230 km qashyqtyqta, Vetnamnyń Lıshon aralynan shyǵysqa 200 km aýmaqta ornalasqan. Pentagon bombalaýshy ushaqtyń ushýy atalǵan óńirdiń áýe keńistigi halyqaralyq deńgeıde paıdalanýǵa ashyq ekenin dáleldeý úshin jasaldy dep málimdegen.

Buǵan deıin Beıjiń AQSH-ty eskadrondyq mınatasyǵysh kemesi daýly araldarǵa kirgeni úshin óziniń egemendigi men halyqaralyq quqyqty buzdy dep aıyptaǵan edi.

Qytaı AQSH-ty bundaı is qımyldy toqtatýǵa shaqyryp, óziniń tutastyǵy qurmetteýdi, qaýipsizdikke nuqsan keltirmeýdi talap ketken. Bundaı resmı eskertýdi Qytaı SİM ókili Lý Kan jasaǵan. Ol óz sózinde Qytaıdyń óziniń qaýipsizdigin qorǵaý men tutastyǵyn saqtaýda barlyq qajetti sharalardy jasaı alatynyn qatań eskertken.