Taılandta aýyr qylmys jasaǵan úsh qyz juldyzǵa aınaldy. Olar týraly sheteldik BAQ jarysa jazýda, dep habarlaıdy Qamshy.kz aqparat agenttigi Life.ru saıtyna silteme jasap.

24 jastaǵy Prıanýh Nonvangchaı eki qurbysymen birge karaoke-barda jumys istegen qyzdy aıaýsyz óltirgen. Keıinnen onyń denesin ekige bólip, kómip tastaǵan.

Qyzdardyń bul qylmystary áshkere bolyp, olar qolǵa tústi. Tergeý barysynda ózderiniń qylmystaryn moıyndap, oqıǵanyń mán-jaıyn aıtyp bergen.

Qolǵa túsken úsh qyzdyń biri jigitiniń esirtki saýdasymen aınalysqandyǵy úshin tutqyndalǵandyǵyn estigennen soń ashýyn kimnen alaryn bilmeı, kózine kóringen qyzǵa tap bergen. Ony qylqyndyryp óltirip, denesin ekige bólip tastaǵan.

Prıanýh Nonvangchaıge óziniń eki qurbysy – 25 jastaǵy Kavıta Rachada men 28 jastaǵy Apıoýnt Sataıabýndıt kómektesken.

Taıland jurty qylmysker qyzdardyń sulýlyǵyna suqtanyp, olardyń sýretterin jabystyryp túrli sývenır, músinder jasap, satylymǵa qoıǵan. Ol qyzdardyń polısıa bóliminde kúlip, tergeý aldynda makıaj jasap otyrǵan sýretteri ınternet jelisinde keńinen taralyp ketti.