Elordalyq «Astana arlandary» komandasy «Kýba qabylandaryna» qarsy ótetin Búkilálemdik boks serıasynyń WSB jobasy boıynsha fınaldyq kezdesýi aldynda jýrnalıser men jankúıerler úshin ashyq jattyǵý ótkizdi, dep habarlaıdy qamshy.kz.
Fınaldyq kezdesý 15 shildi kúni Astana qalasynda ótedi. 75 kelide Ábilhan Amanquldyń jaraqatyna qaramaı jekpe-jekke shyǵatynyn jáne bul kezdesýge qatysatyn «Arlandarmen» olardyń qarsylastarynyń tizimin jarıalaǵan bolatynbyz.
Alda ótetin qıankeski shaıqas jaıly belgili aqyn, sport jýrnalısi Tabıǵat Abaıldaev tómendegideı boljamyn jasady.
Bul «Astana arlandary» 2 dúrkin chempıon bolǵan sáttegi quram. Esep 6:4 bolǵan. Osy joly da jeńistiń týyn jelbiretetin múmkindik mol.
Aldaǵy senbide qolǵap túıistiretin 49 kelidegi Temirtas Júsipov 2015 jyly Argılagosty 3:0 esebimen talqandaǵan (50:45,50:45,50:45); Taǵy da qaıtalaýy kerek;
52 kelidegi Oljas Sáttibaev Iosbanı Veıtıany 3:0 esebimen ońaı utqan (49:46,49:46,49:46); Taǵy da qaıtalaýy kerek;
56 kelidegi Qaırat Eralıev Robeısı Ramıreske 1:2 esebimen ese jibergen. Bıyl İlıas Súleımenov Haver Ibanespen qolǵap túıistiredi.
60 kelidegi Zákir Safıýllın Lazaro Alvaresten ese qaıtarýǵa tyrysady. Eki jyl buryn Zákir bul serıada birneshe ret utylsa, bıyl qarsylastaryn qıratyp keledi, Iaǵnı, ósý, órkendeý bar.
64 kelidegi Dilmurat Mijıtovtan da úmit kútemiz. Endı Krýz sózsiz myqty. Qazaq balasy da qarap qalmaýy kerek. Óıtkeni 2 jyl buryn Báshenov Toledony utqan bolatyn;
69 kelidegi syralǵy qarsylastar Aslanbek Shymbergenov pen Sotolonga taǵy da tóbelesedi. Aslan taǵy da utsa deımiz;
75 kelidegi Ábilhan Amanqul Meıirim Nursultanovtyń jeńisti joryǵyn qaıtalaýǵa qaýqarly. Meıirim Álem chempıony (keıinnen Olımpıada chempıony atandy) Arlen Kardondy tize búktirgen. Ábilhan dańqty qarsylasyn utsa, ataǵy dúrkireıdi;
81 kelide shans 25:75 La Krýz óte aılaker. Biraq Arman Rysbek ózin dáleldeý úshin baryn salady degen oıdamyz.
91 kelide Anton Pınchýk te aıanbaıdy. Eki jyl buryn ketken Levıttiń esesin qaıtarýǵa tyrysady. Ras Levıt Savonnan esesin Olımpıadada qaıtardy. Ný, Pınchýk te óziniń osal emes ekenin kórsetýi kerek.
91 kelidegi Oljas Buqaev ózin jaqsy jaǵynan kórsetýi tıis degen oıdamyz. Kýba boksshysyn uryp jyqqan legıoner Hrgovıchten kem emespin degisi keletin shyǵar. Dychko da utqan kýbalyqty.
Qysqasy, úsh dúrkin chempıon bolatyn shans bar. Qalǵanyn ýaqyt kórseter...
Ularbek Dáleıuly
