Men 20.06. 2017 jyly QR Premer-mınıstriniń orynbasary – Aýyl sharýashylyǵy mınıstri A. I. Myrzahmetovke hat joldap, Reseıdiń «AGRObıznes» portaly Ońtústik-Qorasan (Iran) aýyl sharýashylyǵy uıymy Qazaqstannan 10 myń gektar aýylsharýashylyq jerlerin jalǵa alýdy josparlap otyrǵanyn málimdedi, - degen habarǵa baılanysty birneshe suraq qoıǵan edim.
Búgin, QR Aýyl sharýashylyǵy vıse-mınıstri E. Nysanbaevtan jaýap aldym. Sonymen bilgenimiz:
«Atalǵan oblystardyń jergilikti atqarýshy organdardyń málimetine sáıkes, 2016 jylǵy 6 mamyrdaǵy «Jer zańnamasynyń keıbir normalaryn qoldanýǵa moratorıı engizý týraly» QR Prezıdentiniń Jarlyǵymen moratorıı jarıalanǵannan keıin Iran eliniń uıymdary men azamattaryna aýyl sharýashylyǵy jerlerin berilmegenin habarlady»,-deıdi vıse-mınıstr.
Sonymen qatar, 2015 jyly Almaty oblysy ákimdigi, Jambyl aýdanynda «Empire Food» («Imperıa Fýd») JSHS-si (quryltaıshysy Iran Islam Respýblıkasy eliniń azamaty) satyp alý kelisim-sharttary negizinde jalpy alańy 7,53 ga jáne 7,9085 sharýa qojalyǵyn júrgizý úshin berilgen jer ýchaskesin qazaqstandyq azamattardan satyp alǵandyǵyn málimdedi.
Keıinnen, QR Jer kodeksiniń 66-babyna sáıkes, Jambyl aýdany ákimdiginiń qaýlysymen «Empire Food» («Imperıa Fýd») JSHS-niń jeke menshik quqyǵyndaǵy jer ýchaskeleriniń nysanaly maqsaty sharýa qojalyǵyn júrgizýden taýarly aýyl sharýashylyǵyn júrgizýge ózgertilip, sáıkestendirý qujattary ázirlenip, jer paıdalanýshyǵa berilgen.
Qoryta kelgende, zań sheńberinde sheteldik azamattar Qazaqstannan jerdi jeke menshikke satyp ala alady.
Aýylsharýashylyq jerleriniń paıdalaný maqsatyn jergilikti ákimder ózgertedi. Aýylsharýashylyq jerlerin al da, ákimniń kómegimen paıdalaný maqsatyn ózgertip al. Bitti jer seniki. Osylaısha túrli jolmen sheteldikter jerimizdi jeke menshikke satyp ta, jalǵa da alyp jatyr.
Sondyqtan, QR Aýylsharýashylyq mınıstrligimen, Parlament depýtattarymen birlese otyryp, jerge qatysty zańdarǵa tolyqtaı saraptama jasap, shuǵyl túrde tolyqtyrýlar men ózgerister engizý qajet.
Halyq, belsendiler jerdi retteýge baǵyttalǵan zańdardy ózgertýdi talap etińizder.
Jer eshkimge satylmasyn, sheteldikterge jalǵa da berilmesin!
Maqsat İlıasuly
