Atyraý qalasynda eń sońǵy balalar úıi jabyldy dep habarlaıdy Qamshy.kz aqparat agenttigi khabar.kz-ke silteme jasaı otyryp. Buǵan deıin 2 balalar úıinde 400-den astam bóbek turyp kelgen.
Sońǵy jyldary balalar kóptep asyrap alynǵandyqtan, mundaı úıler endi qajet emes. Balalar úıiniń tárbıelenýshileri azamat bolyp, páter alyp, keıingi baýyrlaryn qoldaryna ala bastaǵan. «Otbasy jylýyn sezinip ósken búldirshin baqytty azamat bolyp qalyptasady», – deıdi balalar úıiniń basshylyǵy.
Sanıa Mýsıeva, balalar úıiniń dırektory:
«Biz týǵan ata-analaryna balalaryn qaıtarýǵa tyrystyq. Sebebi keıbir ata-ana óz quqyǵynyń sot arqyly kalpyna keltirýge bolatyndyǵyn bilmeıdi. Sol sebepti balalar úıinde tárbıelenýshiler sany azaıdy».
Sholýshy: Ásel Bolatqyzy
