«Astana Arlandary» «Kýba Domadores» arasyndaǵy jekpe-jekte 91 keliden joǵary salmaqta alyptar Oljas Buqaev pen Ioandrı Toırak aıqasty.

Astana qalasyndaǵy «Qazaqstan» sport kesheninde «Astana Arlandary» men «Kýba Domadores» komandalary arasyndaǵy segizinshi jekpe-jekte Oljas Buqaev qarsylasyn dińkeletti

Qazirge deıin básekege shyqqan jeti aıqasta qazaqtar tek eki jekpe-jektiń jeńisin enshiledi.  

Básekeniń alǵashqy oınynda Iohanýs Argılagospen qolǵap túıistirgen 49 keli salmaqtaǵy Temirtas Júsýpov pen 56 keli salmaqtaǵy Ilás Súleımenov qarsylasy Haver Ibanesti  upaı sanymen jeńdi.

Alaıda 91 keli aýyr salmaqta Anton Pınchýk – Erıslandı Savonmen sharshy alańǵa shyǵyp, qarsylasyna ese jiberse , tórtinshi bolyp alańǵa 64 keli salmaqta Endı Krýzǵa qarsy Dilmurat Mıjıtov qarsylasyna ese jibergen edi. Besinshi bolyp alańǵa 75 keli salmaqta shyqqan Ábilhan Amanqul da upaı sanymen Aren Lopesten jeńilis tapqan. Al, La Krýspen altynshy bolyp alańǵa shyqqan Arman Yrysbek te qazaq quramasy qorjynyna jeńis syılaı almady. Jetinshi básekede Oljas Sáttibaev Iosbanı Veıtıaǵa qarsy tura almaı qaldy.

Esterińizge salaıyq, sport dodasy Búkil álemdik boks serıasy WSB jobasynyń VII maýsymnyń fınaldyq jekpe-jegi bolyp tabylady.