Italándyq ınvestorlar Batys Qazaqstan oblysynyń ınvestısıalyq múmkindikterine qyzyǵýshylyq tanytýda dep jazady Qamshy.kz aqparattyq agenttigi khabar.kz-ke silteme jasaı otyryp. Óńir ákiminiń baspasóz qyzmetinde habarlaǵandaı, Italıanyń Mılan qalasynda oblys ákimi Altaı Kólginov bastaǵan batysqazaqstandyq delegasıanyń qatysýymen bıznes-forým ótti. Kezdesý Elbasynyń respýblıkamyzǵa ınvestısıa tartý jónindegi tapsyrmasyna sáıkes uıymdastyryldy.
Sharaǵa kelgen ınjınırıńpen, munaıgaz salasyna qural-jabdyq shyǵarýmen aınalysatyn ıtalándyq iri kompanıalardyń basshylaryna Batys Qazaqstan oblysy ekonomıkasynyń negizgi salalary, ınvestısıalyq áleýeti, óńirdi munaıgaz klasterine baǵyttalǵan mashına jasaý ortalyǵyna aınaldyrý jónindegi is-sharalary tanystyryldy. Oblys ákimi Altaı Kólginovtyń aıtýynsha, elimizdiń batys aımaǵynyń agroónerkásip ónimderine degen suranysyn tolyǵymen qanaǵattandyrýǵa bolady.
Sonymen qatar EAEO men EO elderine de azyq-túlik eksportynyń kólemi jyl ótken saıyn artyp keledi. Bul baǵytta sheteldik ınvestorlar úshin túrli jeńildikter qarastyrylǵan. Jalpy sheteldik kompanıalardyń oblysqa ınvestısıa salýǵa qyzyǵýshylyǵy zor. Oǵan kabeldi-symdy ónimder shyǵarýmen aınalysatyn kásiporyn, jylyjaı sharýashylyǵynyń qurylysy, zaman talabyna saı keletin jańa qonaq úı salý jobalary mysal bola alady. Reseıdiń bes birdeı gýbernıasymen shektesetin jáne jedel qarqynmen damyp kele jatqan basqa da túrli jobalar bar.
Budan bólek, oblys ákimi ıtalándyq kompanıalardy Elordada ótip jatqan EXPO-2017 kórmesin, sondaı-aq Oral qalasynda dástúrli túrde ótetin WestKazInvest–2017 forýmyn tamashalaýǵa shaqyrdy. Onda sheteldik qonaqtarǵa otandyq kásipkerlermen kezdesip, ózara pikir almasý, jańa ónim túrlerin shyǵarý, birlesken kásiporyn qurý týrasynda kelisimmen ýaǵdalastyq júrgizýge barlyq jaǵdaı jasalady. Forýmnan soń oblys ákimi ıtalándyq kompanıa basshylarymen jeke kezdesti. Sonyń nátıjesinde iri ınvestorlar oblystyń bıznes áleýetimen jan-jaqty tanysý úshin Aq Jaıyq óńirine arnaıy baratyndaryn jetkizdi.
Sholýshy: Ásel Bolatqyzy
