Avstralıada  «Bir ult» partıasynyń lıderi senator Polın Hanson parlament otyrysyna parandjamen kelgen. Bul týraly Qamshy.kz aqparat agenttigi  BBC News-ke silteme berip habarlaıdy.

Mundaı áreketpen partıa lıderi basqa depýtattardy hıjdab, parandja -dinı atrıbýttardy qoǵamdyq jere kıýge tyıym salýdy qoldaýǵa shaqyrmaq bolǵan. Eldiń bas prokýrory Djordj Brandıs Hansonnyń bul qylyǵyn kinálap, mundaı áreket Avstralıada turatyn 500 myń musylmandy ókpeletip alýy múmkin ekenin eskertti.

«Olardy shettetý men qoǵamnan bólektetý, kıimderine bola synyp-mineý - jerkenishti nárse. Jasaǵan qylyǵyńyz jóninde  jaqsylap oılanǵanyńyz abzal. Joq, senator Hanson, biz parandjany kıýge tyıym salmaımyz»-dedi Brandıs.

Aıta keteıik, Hanson 1996 jyly parlament depýtaty bolyp saılanyp, sol ýaqyttan beri ár túrli janjaldy jaǵdaılarǵa tap bolǵan.