Barselonadaǵy Rambla baǵynda oryn alǵan terorıstik shabýyl saldarynan zardap shekkenderdiń arasynda Qazaqstan azamattary joq ekeni anyqtaldy dep habarlaıdy Qamshy.kz aqparat agenttigi. Bul týraly QR SİM baspasóz hatshysy Ánýar Jaınaqov óziniń Feısbýktegi paraqshasynda málim etti.

«Aldyn ala aqparat boıynsha Barselonadaǵy terakty saldarynan zardap shekkenderdiń arasynda Qazaqstan azamattary joq. Anyqtaý jumystary jalǵastyrylýda. Qazaqstannyń Barselonadaǵy konsýldyǵy jergilikti quqyq qorǵaý organdarynyń ókilderimen tyǵyz baılanysta», – dep jazdy Jaınaqov.

Aıta keteıik, 17 tamyz kúni keshke Barselonada terakt boldy. Sonyń saldarynan 13 adam kóz jumdy, 100 adam jaralandy. Qaza bolǵandar men japa shekkenderdiń arasynda 18 eldiń azamaty bar ekeni anyqtalǵan.

Shabýyldyń jaýapkershiligin DAISH terorıstik uıymy óz moınyna aldy.