Jýyrda mańǵystaýlyq etnomádenı birlestik músheleriniń EXPO-2017 kórmesine barǵan sapary týraly derekti fılm jaryqqa shyǵady dep habarlaıdy Qamshy.kz aqparat agenttigi  24.kz-ke silteme berip. Uzaqtyǵy 15 mınýttyq týyndyda birligi jarasqan 120 ult ókiliniń tutastyǵy men Mańǵystaýdyń Astanadaǵy mádenı kúnderi aıasynda ótken konserttik baǵdarlamalarynan úzindiler kórsetiledi.

Sondaı-aq olardyń jahandyq kórme pavılondaryn tamashalaýdan alǵan áserleri, fotosýretteri men BAQ ókilderine bergen suhbattary bólek kitap bolyp basylyp shyǵady. Aıta keteıik, 15 jáne 18 tamyz kúnderi elordada «Qart Kaspııden sálem al, erke Esil» atty Mańǵystaý oblysynyń mádenıet kúnderi ótken bolatyn. Joǵary deńgeıde uıymdastyrylǵan is-sharalarǵa bas-aıaǵy 700 ónerpaz qatysty.