Qyrkúıek aıynan bastap Túrkıa elindegi mektep oqýshylary jańa baǵdarlama boıynsha bilim alatyn bolady, – dep habarlaıdy Qamshy.kz aqparat agenttigi bbs saıtyna silteme jasaı otyryp. Jańa baǵdarlamanyń mazmuny keıbir ata-analardy ýaıymǵa salyp otyr eken.

Bar másele bıliktiń mektep baǵdarlamasynda dinı pánderdiń mindetti pán retinde oqytylýy bolyp otyr.

«Túrkıa elindegi bilim júıesi eshqashan keremet bolmaǵan. Al qazir mektep baǵdarlamasyna dinı pánderdi mindetti etip bekitip otyr. Biraq olardyń jıhad týraly pánderdiń bekitilýi baryp turǵan soraqylyq dep esepteımin», – deıdi mektep oqýshysynyń ata-anasy.

Sonymen birge mektep oqýshylaryna Qurandaǵy duǵalardyń oqylýyn da úıretedi eken. Keıbir adamdar bul mektep baǵdarlamasyna qarsylyqtaryn bildirýde. Sebebi kóbisi balaǵa dinı bilimdi mektepte emes, úıde úıretý kerek dep esepteıdi.

Túrkıa eliniń bılik ókilderi jańa oqý baǵdarlamasynan ataqty Darvın teorıasyn alyp tastaǵan. Onyń ornyna jıhad týraly pán oqytylatyn bolady.

Bul jańalyqtar Túrkıa eliniń zaıyrly memleketten ıslam memleketine aýysýyn bildiredi dep esepteıdi opozısıa músheleri. Memleket basshysy Erdoǵan da túrikterdiń barlyǵy birdeı dindi ustanǵanyn qalaıtynyn bir emes, birneshe ret aıtqan bolatyn.