2016 jyly álemde 13,4 myń terakt oryn alǵan. Nátıjesinde 34,7 myń adam kóz jumǵan. Bul týraly Qamshy.kz aqparat agenttigi korrespondent.net málimetine súıenip habarlaıdy. Bul aqparatty AQSH-tyń Merılend shtatyndaǵy ýnıversıtetterdiń birindegi terorızm jaıyndaǵy álemdik baza rastap otyr.

Terorızm saldarynan Taıaý Shyǵys pen Soltústik Afrıka eń kóp zardap shekken dep tanylyp otyr. Byltyrǵy jyly terorızm saldarynan 19,1 myń adam kóz jumǵan. Bul kórsetkish álem boıynsha terakt qurbandarynynń 55 paıyzyn quraıdy.

Batys Eýropada terakt 238 adamnyń ómirin qıdy. Al Pákistan Ońtústik Azıadaǵy eń kóp zardap shekken el tiziminde. Ol jerde 1100 adam kóz jumǵan.

Irak ta bul qatardy toltyryp otyr. Irakta eń kóp shyǵyn keltirgen 11 shabýyldyń 10-y ótken. Shabýyldyń barlyǵyn «Islam memleketi» óz moınyna alǵan.

«Rekord» qoıǵan shabýyl da Irakta oryn alǵan. Terrorıst Baǵdadtyń ortalyǵynda júk kóligin jaryp jibergen. Nátıjesinde 382 adam kóz jumǵan.

Islam memleketi sodyrlaryna 1400 shabýyl júktelgen. Sodyrlar 11,7 myń adamnyń janyn qıǵan.

Budan bólek Batys Eýropada terorıstik shabýyldyń sany salystyrmaly túrde az bolǵanymen el ishinde avtokólikpen shabýyl jasaý jıilep ketken.

Aıta ketsek, 17 tamyz kúni Barselonaaǵy terakt nátıjesinde 14 adam qaza taýyp, 100-ge jýyq adam jaralanǵan.