Bıyl 10 energıa blogyna, 61 energetıkalyq qazanǵa jáne 49 týrbınaǵa jóndeý jumystaryn júrgizý kózdelgen. Qyrkúıek aıynyń basyndaǵy jaǵdaı boıynsha 4 energıa blogynda, 28 qazanda jáne 22 týrbınada jóndeý jumystary aıaqtalǵan. 4 energıa blogynda, 30 qazanda jáne 21 týrbınada túrli aıaqtalý deńgeıinde jumystar júrgizilip jatyr. Jumystar kestege sáıkes júrgizilýde.
Sondaı-aq, jalpy uzyndyǵy 25 myń shaqyrym bolatyn elektr taratý jelisine jáne 6 300 aralyq stansıaǵa jóndeý jumystaryn júrgizý josparlanǵan. Qazirgi tańda 17 myń shaqyrym elektr taratý jelisine jóndeý jumystary júrgizilgen, bul jospardyń 71%-yn quraıdy. Munda da jóndeý jumystary bekitilgen kestege saı júrgizilýde. Elektr stansalarynda 3,7 mln. tonna kóleminde kómir qory bar, bul ótken jyldyń deńgeıinen 24%-ǵa artyq, sondaı-aq 82 myń tonna mazýt bar.
Budan ózge, QR energetıka mınıstrliginde «QTJ» UK» AQ ókilderiniń, ekspedıtorlyq jáne kómir óndirý kompanıalarynyń, kómir elektr stansalarynyń ókilderiniń qatysýymen energıa kózderinde otynnyń normatıvtik qoryn qurý jáne kómir tasymaldaý máseleleri boıynsha keńes ótkizildi. Keńes qorytyndysy boıynsha tıisti tapsyrmalar berildi.
Qaraǵandy oblysynda, sonyń ishinde «Arselor Mıttal Temirtaý» AQ JEO-2-de energetıka nysandaryn kúz-qyz mezgilderinde jumys isteýge daıarlaý máselesine erekshe kóńil bólindi. JEO-nyń ázirlengen kestesine sáıkes, 3 qazan men 1 týrbınada jóndeý jumystaryn júrgizý josparlanǵan. Qyrkúıektiń basyndaǵy jaǵdaı boıynsha 2 qazanda jóndeý jumystary aıaqtalǵan, №6 qazanda (22 qarashaǵa deıin) jáne №2 týrbınada (30 qyrkúıekke deıin) jóndeý jumystary júrgizilip jatyr.
Budan ózge, mınıstr elimizdiń gaz-kólik ınfraqurylymynyń nysandary shtattyq rejımde jumys istep turǵanyn, olarǵa tehnıkalyq qyzmet kórsetý kesteler men josparlarǵa sáıkes júrgizilip jatqanyn baıandady.
Qazaqstannyń ońtústik óńirlerin 2017-2018 jyldardyń jylytý maýsymynda gazben jabdyqtaý jumystary «Qazaqstan-Qytaı», «BGR-TBA», «Beıneý-SHymkent» gaz qubyrlary boıynsha gaz jetkizý arqyly jáne Amangeldi ken ornynyń gazy esebinen qamtamasyz etiledi.
Jerasty qoımalarynda gazdyń qajetti qory bar, qazirdiń ózinde 3,4 mlrd. m3 gaz nemese jospardaǵy kólemniń 96% gazy júktelgen.
