QR İshki ister mınıstri Qalmuhanbet Qasymov Abý-Dabı Plaza  janynda bolǵan oqıǵanyń qalaı bolǵanyn aıtyp berdi, dep habarlaıdy Qamshy.kz aqparat agenttigi Sputnik Qazaqstan-ǵa silteme jasap.

Onyń aıtýynsha, Úndistannyń úsh azamatyn uryp tastaǵannan keıin jumysshylar keıin qaıtyp, kúzet beketine tas laqtyrǵan. Oqıǵa saǵat 19.30-de bastalady. Tek saǵat 20.05-te ǵana kúzet polısıaǵa habarlaıdy.

"Oqıǵa ornyna jasaqtar keledi. Kópshilik adamnyń til bilmeýinen másele týyndady. Aǵylshyn tilin biletin jedel top keldi. Biraq sheteldik jumysshylar aǵylshyn tilin bilmegendikten, biz elshilikten kómek suradyq. Elshilik 25 mınýttan keıin óz ókilin jiberdi, olarǵa qoldaý úshin úlken rahmet. Birinshi konsýl keldi, olar kómek kórsetti", — dedi Qasymov.

Polısıa saǵat 21.45-te oqıǵa ornyn tekserýge kirisedi.

"Bolǵany osy, al keıingi bolǵan jaǵdaı, árıne, qısynsyz dúnıe. Dalada Úndistannyń taǵy eki azamatyn uryp tastaıdy. Bul saǵat 20.10 jáne 20.20-da bolady. Bul azamattardy turǵyn jaıdyń ishinen taýyp, aýrýhanaǵa jetkizildi", — dedi mınıstr. 

Osydan keıin sheteldik jumysshylar turatyn jerdiń janyna azamattar jınalyp, dereý mán-jaıdy anyqtaýdy talap etken. 

Osyǵan baılanysty eń belsendi 56 adam polısıaǵa jetkizilip, olarmen áńgime júrgizilgen. Belsendi túrde tártipti buzǵan adamdarǵa qatysty materıaldar sotqa jóneltildi. Segiz adam ákimshilik jaýapkershilikke tartylyp, 15, 10 jáne 5 táýlikke qamalǵan. 

"Dalada bolǵan jaǵdaı osy, onyń janjalǵa qatysýshylarǵa esh qatysy joq. Qazirgi ýaqytta tergeý júrgizip jatyrmyz. Aıypty adamdardyń barlyǵy anyqtaldy, olar túsinik berip jatyr", dep habarlady Qasymov. 

Úsh qylmystyq is qozǵalǵan, qazir tergeý júrip jatyr. 

"Tergeýdi baqylaýda ustap otyrmyz. Dalada janjalǵa qatysqan Úndistannyń 30-40 azamatyn elden shyǵarý máselesin sot sheshedi. Kináli adamdar qylmystyq jaýapkershilikke tartylady", — dedi mınıstr. 

Aıtýynsha, sheteldikter qurylysta zańsyz jumys istedi degenge qatysty derek anyqtalmaǵan.