Syrtqy ister mınıstri Qaırat Ábdirahmanov Qazaqstanǵa resmı kelegen BUU-nyń múgedekter jónindegi arnaıy baıandamashysy Katalına Devandas Agılarmen kezdesti dep habarlaıdy Qamshy.kz aqparat agenttigi QR SİM baspasóz qyzmetine silteme jasap.
Suhbat barysynda Qazaqstan men BUU Adam quqyqtary jónindegi keńesiniń Arnaıy prosedýrasy ınstıtýtynyń ózara yntymaqtastyq máseleleri talqylandy. 2015 jyly 20 aqpanda ratıfıkasıalanǵan BUU Múgedekter quqyqtary jónindegi konvensıasyn júzege asyrý boıynsha Qazaqstan tarapynan atqarylyp otyrǵan sharalar taqyrybyna asa mán berildi.
Q. Ábdirahmanov BUU ókilin múgedekter úshin kedergisiz orta qurý úshin qabyldanatyn sharalar, sonyń ishinde Qazaqstan Memleket basshysynyń Qazaqstan halqyna «Qazaqstan joly – 2050: Bir maqsat, bir múdde, bir bolashaq» Joldaýynda aıtylǵan múgedekterge degen nazardy arttyrý jónindegi tapsyrmasy aıasynda qabyldanǵan sharalar týraly habardar etti.
K. Devandas Agılar osy saladaǵy Qazaqstannyń tájirıbesine jáne ony aımaqtyq elderinde taralýy múmkindigine múddelik bildirdi.
Resmı sapar sheńberinde BUU delegasıasy múgedekterdi áleýmettik qorǵaý jáne aldyn alý boıynsha memlekettik saıasatty júzege asyrý salasynda birqatar respýblıkalyq jáne jergilikti quzyretti organdarmen, azamattyq qoǵammen, úkimettik emes uıymdarmen kezdesip, elimizde múmkindikteri shekteýli tulǵalardyń teń quqyqtylyǵyn qamtamasyz etý maqsatynda jasalǵan jalpy jaǵdaıdy tanyp biledi. Osyǵan baılanysty mınıstr arnaıy baıandamashynyń saparyn qamtamasyz etýde qolǵabas kórsetýge óz daıyndyǵyn bildirdi.
BUU arnaıy baıandamashymen jınalǵan aqparat baıandamada kórsetilip BUU Adam quqyqtary jónindegi keńesine Qazaqstanǵa tıisti rekomendasıalarmen usynylady.
BUU Adam quqyqtary keńesiniń arnaıy prosedýralary – bul adam quqyqtary salasyndaǵy táýelsiz sarapshylar adam quqyqtary salasyndaǵy naqty máseleleri boıynsha aqparattandyrýǵa jáne konsýltasıalandyrýǵa ýákiletti.
