Ekibastuzda birinshi qabatta bir bólmeli páterde lıft qyzmetiniń №173 kezekshilik bóliminde órt shyqty, dep habarlaıdy Qamshy.kz aqparat agenttigi Pavlodar oblysy Tótenshe jaǵdaılar departamenti málimetine súıenip.

Oblystyq TJD-niń málimetinshe, qyzyl jalyn jıhaz ben tereze jaqtaýyn sharpyp, 15 sharshy metr aýmaq janǵan.

- Tilsiz jaýdy aýyzdyqtaýǵa bir tehnıka men eki zveno jumyldyryldy. Órt sóndirýshiler jetinshi qabattan baspaldaq arqyly 22 adamdy syrtqa shyǵardy. Onyń 12-si eresekter bolsa, ony – balalar. Zardap shekkender joq. Turǵyndardyń barlyǵy aman. Qazirgi tańda órttiń shyǵý sebebi men keltirilgen shyǵyn kólemi anyqtalýda, - delindi departamentte.

Dıspecherlik qyzmet «Ekibastuz lıft» JSHS-ne tıesili. Órt saǵat 21.19-da aýyzdyqtalyp, saǵat 21.28-de tolyǵymen sóndirilgen.