Resmı derekterge sáıkes, Mánmada 400-ge jýyq adam kóz jumǵan. Mánmadaǵy rohındja musylmandary túrli azaptaýlardan kóz jumdy, elden qashýǵa májbúr boldy. Osyǵan qatysty QMDB nege únsiz degender de boldy. Bul týraly Qamshy.kz-te materıal jarıalaǵan edi.

Jaqynda QMDB Mánmada oryn alǵan qaıǵyly oqıǵaǵa baılanysty qatty alańdaýshylyq bildiretinin jetkizdi. 

Jergilikti turǵyndarǵa jasalǵan qasiretti qatań aıyptaıdy dep habarlaıdy aqparat agenttigi QMDB baspasóz qyzmetine silteme jasap.

400-den astam adamnyń ómirin qyrshynnan qıǵan qasiretti oqıǵa álemniń ár túkpirindegi musylman jurtynyń ǵana emes barsha adamzattyń alańdaýshylyǵyn týdyrýda. 

Alla Taǵala qasıetti Quranda: «Jazyqsyz bir adamnyń qanyn tógý – jer betindegi búkil adamdy óltirgenmen birdeı», – dep eskertken. Allanyń kúlli adamzatqa jibergen bul ashyq eskertýin umytpaýymyz kerek.

Jaratýshy Iemiz barsha adamzat balasyna meıirim-shapaǵat, beıbit ómir, yntymaq, sabyr bersin!