Astana qalasyndaǵy EKSPO-2017 halyqaralyq kórmesi mańynda Qazaqstannyń Gınnes rekordtar kitabynda keýdeni jerden kóterý sporty boıynsha bes dúrkin rekordshy, sondaı-aq deneni birqalypta ustaý boıynsha álemdik rekordsmeni ataǵynyń ıegeri Ámir Mahmet shólmekterde 53 jattyǵý jasap, jańa álemdik rekord ornatty, dep habarlaıdy Qamshy.kz aqparat agenttigi Aqmola oblysy ishki saıasat basqarmasynyń Óńirlik komýnıkasıalar qyzmetine silteme jasap.
Bul rekordty Qazaqstannyń rekordtar kitabynyń ókili Shyńǵys Qudaıbergenov tirkedi.
Fızıkalyq jattyǵýlar sportshy denesi men jattyǵý quraldarynyń arasyndaǵy teńgerimdi qoldaýda kúrdeli bolyp keledi. Al Ámir óziniń rekordyn Bilim kúni barlyq oqýshylarǵa arnap, olarǵa jańa oqý jylynda jaqsy oqýdy jáne salaýatty ómir saltyn ustanýdy tiledi.
Aıta keteıik, Ámir aty ańyzǵa aınalǵan balýan Qajymuqan Muńaıtpasovtyń eli Aqmola oblysy, Selınograd aýdany, Qajymuqan aýylynda turady.
